مجالس الرويضة لكل العرب - درس خلطة الحياه

خلطة الحياة

ورا كل نجاح كبير شخص عظيم
وداخل كل شخص عظيم إصرار
والإصرار يهون ذل الإلتزام
والإلتزام يستمر بالإصرار
والإصرار والإلتزام مجاهدة للنفس
ومجاهدة النفس محتاجة إيمان
والإيمان ثقة فى الله
والثقة فى الله من ثقة النفس
والثقة فى النفس قوة
والقوة من صفات الله
إحسن ظنك فى الله تلاقى الخير
والخير فى بدايته تفاؤل
والتفاؤل أصله فكرة
والفكرة بتبقى كلمة
والكلمة بتبنى إعتقاد
والإعتقاد بداية الفعل
والفعل مع الوقت عادة
والعادة تشكل حياتك
وحياتك مجرد وقت
والوقت نسبى
طويل وإنتا حزين
قصير وإنتا مزقطط
ومزقطط ده إحساس
وإنتا اللى بتتحكم فيه
لأن السعادة قرار
والحزن برده قرار
والقرار يا صح يا غلط
وفى النهاية بيحدد مصير
لو صح هنيالك نجحت
ولو غلط أديك إتعلمت
ومفيش حاجة ببلاش
وقصاد كل حاجة بتروح حاجة
والحاجة وهم
والوهم حقيقة
والحقيقة جزء من الإدراك
والإدراك محتاج إنتباه
والإنتباه كل التركيز
والتركيز يخلق عالمك
وعالمك نتيجة فكرك
وفكرك من نفسك
ونفسك روح وجسد
وروحك وجسدك من عند الله
فلا تقلق ولا تجزع
فالمكتوب مكتوب
ورزقك محسوب
وعمرك منقوص
والمنقوص مفقود
والمفقود يقل بالتركيز على الموجود
والموجود مملوك
والمملوك يستحق الحمد
والحمد من الرضا
والرضا بداية السلام
والسلام هو الله
الله الشكور
فالشكر لله والحمد لله
حتى يبلغ الحمد منتهاه
ومنتهى الحياة هو الموت
والموت بداية للحياة
والحياة رحلة
والرحلة ذهاب بلا عودة
وهى دى الخلطة:36_22_6: