|
علاج الضيق عند اهل اول في هـذا إلموضــوع سآخــذكم في رحله (أتمنى أن تكــون ممتــعة ) في آنجــح إلوصفات إلقديـــمه لعــلآج ضيــقة إلصــدر وقــد وجــدت علاجاتهم تدور بين ( شبة النار وسواة القهوه ) ( ورقي المرقاب ) وروحــةٍ للخــلا (البر) ( وبعضــهم يعــالج الضيـقة بالشعر وجــرة الصــوت! ) ونبــدأ بآكثـر ما تطـرق له الشعّــار كعــلاج لضيــقة الصــدر آلا وهو شبة النــار وســواة القهــوه http://fnz911.googlepages.com/fnz-shbatalnar-2008.jpg يقـول ابــن عبيـكـة الرمـالـي لا ضاق بالي جبت وقدة جذامير وشبيت نار مثل نار الحرابة ثم احترفت وجبت عوج المناقير على سنا نار يزيد التهابه وصبه على مثل الزبيدي مغاتير خطر على العذرا تمنى خضابه لاشفّه الطرقي بلج بلجة الطير يزين وجهه عقب وسم الخلا به ان سانعت نحط كبش على مير وان عاضبت يسد قولة هلابه ويقـول مشـاري بــن ربيـعـان لا ضاق صدري جبت نجر وحماس ودلال بيض غالي مشتراها قم سو فنجال على خمسة أجناس إحذر تجي حرقة وبالك نياها الـــى آخــــر الـقـصـيـدة ويقـول زيـد الخشيـم الخـالـدي لا ضاق صدري قمت آسوي من الكيف فنجال بن ما يغبب سريبه بكر على بكر عذي عن العيف يطري علي ان نام خطو الزريبه ويـقــول ابــــن هــــذال قم سو فنجان ترى الراس منداش يا شوق من قرنه على المتن مرجود في دلة مربوبة عدها الشاش وبهارها موقوم خمسة عشر عود لذّات بالدنيا معاميل وفراش وصينية يدرج بها العبد مسعود ويـقـول تـركـي ابــن حمـيـد يجلي صدى قلبي ضبيح المهاريس لا قام شراب الحشايش يعومي ودلال فوق النار دايم مجاليس اكرامهن حق علينا لزومي من صنعة الصبة وخمس التحاميس برية يعمل بها كل يومي وبهارها هيل بليا حواسيس وكيف يعدا للنشامى القرومي ويقول الشاعـر صالـح بـن قبـلان آنا آليا ضاق صدري قلت شبو لي النار سويت كيف ما يسوى مثيله حمست بربه وناديت ببهار ماها قراح جايبه من ثميله ويقـول ابـن صقـيـه التميـمـي آليا ضاق صدري واستحسيت واوحيت ورقٍ لعى بالصوت جريت ونات وادنيت رسلانٍ ربيبة وسويت فنجال ينسيني جميع الحساسات حمست بنه فوق سمرٍ وشميت ريحٍ لها من شمته خذت راحات ويقـول حنـيـف بــن سعـيـدان لا ضاق صدري يم الاصقه تخطيت لو كان من دونه ثمانين شباب نجرٍ يصوت كل ما اصبحت وامسيت لكن يندبني على النار نداب ويـــقــــول آخـــــــر لا ضاق صدري جبت نجرٍ ودله وسويت ما يطفي لهيبٍ بجاشي وان جا المسير عمس عندي دوى له فنجال ما سواه خطو الخداشي بكر على بكر ليا جيت آزله يشبه خضاب مرودعات النقاشي حينٍ هشيم وحين نوقد بجله ومر نبهرها ومر بلاشي معبرين كل وقتٍ بحله نصبر على ما كاد والرزق ماشي ويـــقـــول الآخـــــــر ان ضاق بالي جبت ضبة اجرومي ودنيت مني دلتين ومصفاه ومحماسة تركى على النار دومي عقب اللهب من صافي الجمر يصلاه واحمس من اللي ماشراه الغشومي نذ العرق باركانها كنه اياه العلاج الثاني ( البر والمطاريش ) http://farm6.staticflickr.com/5248/5...3893b057_z.jpg يقول عواد ابن شامـان الشمـري اليا ضاق صدري من حلوق العصافير البعد به كيفي وراحة ضميري اسج رجلي مع طوال المشاوير بعيد عن واد العوى والصفيري مالله موازيني على نافخ الكير يبلش ويبلش به من الناس غيري ويـــقـــول آخـــــــر ليا ضاق بالي قلت دنو ذلولي وحطوا عليها كورها والقراميش ويقول الشاعـر سـرور الأطـرش لا ضاق صدري رحت يمّ الخميله قعدت بالمرقاب لاجل الضواحي والاه في عيني تلوح الجميله والى السما مع كل الآفاق صاحي يوم اقبلت ترعى الحيا مع مسيله بدّلت عقب الدلبحة بانبطاحي وبالكف حسنا عوق تيس الجميله وقلّطت للمشقاص جمر(ن) ذحاحي قلت انهجي لعيون موضي سبيله حلفت انا ما ارسل عليك الذحاحي لعيون من ينسع طويل الجديله ابو خديدٍ كنّه البرق لاحي ويقـول آخـر أناآ ليا ضاق صدري أطوي فراشي وأدق سلف المقفص واطوي البيدي أجول في كل ديرة وابرد الجاشي وانطح نسيم الهوا وأدور الصيدي فرضاً هواها طليق وينعش إنعاشي في تختخاً ما به إلا الطير وابعيدي ويقـول آخـر لا ضاق صدري رحت للبر حطاب وشبيت ناري في صحاري خلاها وسط الفياض اللي بها أزهار وأعشاب ريح الخزامى فايحٍ في مساها العلاج الثالث ( رقي الرجم ) http://farm3.staticflickr.com/2484/4...fb8126dd_z.jpg يقول الشاعر عبدالهادي بن راجس السبيعي عديت مرقاب طويل وعملاق رجم طويل يبرح الخد شاهوق رجم يوسع خاطري كل ما ضاق من عقب مشرافي بسميه مرزوق ويــــقــــول آخـــــــــر نطيت رجمٍ يوم ضاقت بي الطّرق ابي عليه اشكي بعد ضوح برقا العلاج الرابع ( الشعر وجرت الصوت ) http://www.alriyadh.com/2009/02/22/img/252886.jpg يـقـول شـاعــر مـجـهـول لا ضاق بالي من عنا الوقت واحتار وتعومس الخاطر همومٍ وتفكير فريت دولاب المثايل والاشعار يالله تدرجها على مسلك الخير ما ينفع المهموم مقعاد بالدار يا كود برٍ يسهجه صبح وعصير مد النظر والشوف من غير منظار بارضٍ خلا إلا من الذيب والطير ويـقـول الغيهـبـان الـمــري ودي اغني وينهاني عفيشه وش ابسوي الى من ضاق بالي البحر ما الله كتب لي فيه عيشه جعل رزقي فوق مومية الحبالي فر فلبي فر طير صف ريشه لا جت امه لا مكانه منه خالي قرع صدري قرع بيبان الدريشه يوم تقرع من يمين ومن شمالي يقـول الشـاعـر ابــن سبـيِّـل لولاي أوسع خاطري بالتنهات وأبصر بحالي من خلاي بخلايه ويقـول بـنـدر بــن ســرور إن ضاق صدري شفي أمزح بالالحان والا عن الزلات رجلي ثقيله دنيا نبي تقزيرها ضحك حجان وألا ترى صيورها مستقيله والرجل غاية ملحته قلب ولسان وألا أن باقي جثته حنضليله http://www4.0zz0.com/2011/10/30/00/771407176.jpg |
| الساعة الآن 01:48 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..