|
مجارة لقصيدة الشاعر سعود الغزواني اول مشاركة لي في هذا المنتدى وعند الرجوع للارشيف في الجهاز اول قصيدة وقع عليها الاختيار قصيدة لخوي الغالي سعود الغزواني السهلي ومجارتي لها وعسى ان تحوز على رضى اذواق القراء ووويقول ابو عبدالمحسن في قصيدته :
سامح الله فعل الايام لا قامـت تحـوف=طيّب النيـه توطّـاه تحـت رجولهـا وسامح الله طيبة القلب كم تدني حتوف=وسامح الله ساحة اهل الوفا وخيولهـا وسامح الله كل من قال للدنيا ظـروف=ليه ما يجني شقا الحظ من محصولهـا آآآه ياليت التجارب تورّيني واشـوف=واتنقّـى مفرداتـي قبـل مـا اقولهـا إييييه يا مِهدي لنا الفن وانواع العزوف=المعازف لا تماديت وش محصولهـا ؟ جعل قلبٍ عند ضيق النوازل ما يروف=غير قلبك ، يعْرف النـازلات وهولهـا وانت لامنك تخليت في عـز الظـروف=عندنا شيمه بعـرض البـلاد وطولهـا رح وانا بروح واللي مضى خله يطوف=ماعرفت اختار من هرجتي معسولهـا مجارتي المتواضعة لخوي سعود العزواني
سامح الله بيض الايام لا قامت تلوف=لا سرت يم النشاما تطق طبولها والتعب في بعض الايام ماهوب مخلوف=كيف بقعا كل ليلة يجى مرسولها لية يادنيا الشقا مامعك غير السيوف=والسعادة والهنا ماهقيت وصولها الهموم الكايدة دايمً عندي ضيوف=فوق متني زودتني بكثر حمولها ماعلى الدنيا ملامة ولا فيها حسوف=الحسوفة ماتعرف العرب وزحولها وكان تبغى الفزعة اللي تحضر ماتطوف=فزعتً ياصاحبي واضحً مفعولها ابشر بعزك وحنا نجى قدم الصفوف=فى لزومك بس تآمر وحنا نزولها من يروح ارجوك خلة يغادر ومحذوف=وهرجتك ياصاحبي طيبن مدلولها وســـــــــــــ ــــــــــــــل امـــــــــــــ ــــــــــــتــ ـــــــــــــــ ـــكـــــــــــ ـــــــــــــم |
سعود وسعد قصيدة رائعة ومعبرة وكأنها تحاكينا جميعا ومعارضة لا تقل روعة وعندما يجتمع القطب الجنوبي سعد والقطب الشمالي سعود يغرّد الشعر وتتحول الثلوج الجليدية الى مناطق دافئة تتذوق فيها أجمل الاشعار ولا تشعر بالجليد الاّ بعد مغادرة الشاعرين المكان دمتم بخير |
بيض الله وجهك يابو عبدالله وماعليك زود فانت صاحب القلم والكلمة العذبة شكر لك من القلب يامحمد على مرورك من هنا والله لالايحرمنا منك ولامن وجودك المميز والذي يعطي طابع ورونق خاص لدى المشارك تحياتي لك ملاحظة ((((( القصيدة مكررة في موضوع ثاني ... ياليت تحذفون الموضوع الثاني المكرر في هذا القسم )))) |
السلام عليكم اخي العزيز الشاعر المتألق .. شاعر الملاحم / سعد بن محمد بن تويم صح الله لسانك .. ولسان ابا عبدالمحسن .. ( رائد الشعر ) و ثقافته .. وحُليه , طوق العنق .. واساور اليد .. ومتملك شغاف القلب .. قد عانقت شاعر القدر اللفظية : ابا عبدالمحسن .. الشاعر المتمكن .. فـ أنت وهو في قمة الشعر .. وأول قائمته من الشعراء الافذاذ .. الله لايهينك ياأبا محمد والله يعطيك العافية اخوكم فهاد |
ابو محمد لا عز الله مجاراتك ماهيب متواضعة الا انت فارس الكلمة ومهندس الحرف والله والفخر لي واتنومس بالقصيدة اللي تجاريها يا كحيلان بيض الله وجهك مدد بلا عدد صح لسااااااااانك |
اقتباس:
ياسلام صوت وصدى ولا اروع صح الله السانك يابو محمد ولسان ابو عبدالمحسن لاهنت وبانتضار نوادرك ياجزل |
صح لسانك ولسان ابوعبدالمحسن ماقصرت يالغالي |
شاعرنا الراقي سعد بن تويم هلا وغلا بالحضور الراقي وصح احساسك وقلبك وشاعرنا المبدع الغزواني صح احساسكم وقلوبكم إيمان |
شاعرنا سعد صح لسانك يالغالي ولا هنت وصح لسان سعود الغزواني اكرمنا بجديدك لاعدمناك |
اقتباس:
اخوي الكبير الغالي / ابو سعد صح الله بدنك وعسى عمرك طويل ووشرف لي كل كلمة اخوية قلتها في حقي والله يديم المحبة والاخوة يابو سعد فانت كذلك بذلت الكثير والكثير في خدمة قبيلتك ومانستطيع قولة في هذا الساعة كثر الله من امثالك يافهاد وعساك على القوة وعلومك كلها ترفع الراس وتنومس بني عمك كلهم تحية من القلب يابو سعد |
اقتباس:
صح الله بدنك يابو عبدالمحسن وماعليك زود في كل كلمة قلتها وانت استاذنا في هذه المجال ومدها ياذيبان ولالالاهنت على مرورك الرائع يارائع |
اقتباس:
صح الله بدنك اخوي محمد ومشكور جعلك تسلم وشرفتني بمرورك العذب ياطويل العمر والندرة والجزالة بعض من ماعندك ياذيبان |
اقتباس:
اخوي محمد بن تركي صح الله بدنك وماقصرت جعلك تسلم ومشكور على المرور من هنا ياذيبان |
اقتباس:
صح الله بدنك اختي ايمان وشكر من القلب على حضورك الطيب وكلماتك الرائعة والمشجعة للامام ومشكورة وماقصرتي عسى عمرك طويل |
اقتباس:
هلا اخوي ابو نواف وصح الله بدنك وعسى عمرك طويل يالقرم وابشر باللي يرضيك انت وجميع الاخوان في هذا الصرح المتألق ولاعدمتك يابو نواف |
الشاعر العذب الاخ سعد بن تويم كلمات راقية صح لسانك ولا هنت ولا يهون الاخ سعود تحياااتي |
كفو كفو كفو كفو كفو كفو تقول والله وتطول يابو محمد وصح لسانك مليار يالجزل وصح لسان ابو عبدالمحسن كل التحيا لك ولـ خوي سعود.. |
شاعرنا سعد صح لسانك يالغالي ولا هنت وصح لسان سعود الغزواني اكرمنا بجديدك لاعدمناك |
اقتباس:
نشيد الوطن صح الله بدنك وعسى عمرك طويل ومشكور على مرورك الرائع يارائع ولالالاخلا وووولالالاعدم |
اقتباس:
اخوي المميز والغالي / شقران ماعليك زود جعلك تسلم وصح الله بدنك ياطويل العمر ومشكور على مرورك من هنا الذي له طابع خاص عند اخوك ومشكور وماقصرت جعلك تسلم |
اقتباس:
اخوي عبدالله السهلي (( ابو شيهانة )) صح الله بدنك ومشكور جعلك تسلم على مرورك الطيب من هنا وابشر باللي يرضيك ياطويل العمر |
الله الله عليكم من شعار قصيده ومجاراه عينان في رأس الروعه والشجن صح لسانكم ياشعارنا |
يعجز الكلام عن ايفائكم حقكم من التقدير لهذا الابداع هرمين من اهرامات الابداع بيض الله وجيهكم ولاهنتو تقبلوا تحياتي . |
اقتباس:
اخوي : ابو تركي صح الله بدنك ومشكور على مرورك من هنا ياطويل العمر وشرفتني جعلك تسلم بكلامك الجميل وووولالالاخلا ووولالاعدم |
اقتباس:
شعرنا الغالي / ابو فيصل مشكور جعلك تسلم وماعليك زود ياطويل العمر والابداع بعض من ماعندك وماقصرت ولا خلا ولالاعدم |
رد: مجارة لقصيدة الشاعر سعود الغزواني صح لسانك,, ويعطيك العافيه وتسلم يمينك,, ولاتحرمنا من جديدك وابداعك ,, |
رد: مجارة لقصيدة الشاعر سعود الغزواني مشكورين والله . . كلام جميل بارك الله فيكم |
رد: مجارة لقصيدة الشاعر سعود الغزواني صح لسانك وقصيدة رائعة بروعة شاعرها وحضور متميز صح لسانك مدد بلا عدد |
رد: مجارة لقصيدة الشاعر سعود الغزواني يكفيني مروري من اهنيا |
| الساعة الآن 11:35 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..