مجارة لقصيدة الشاعر سعود الغزواني

سامح الله فعل الايام لا قامـت تحـوف=طيّب النيـه توطّـاه تحـت رجولهـا
وسامح الله طيبة القلب كم تدني حتوف=وسامح الله ساحة اهل الوفا وخيولهـا
وسامح الله كل من قال للدنيا ظـروف=ليه ما يجني شقا الحظ من محصولهـا
آآآه ياليت التجارب تورّيني واشـوف=واتنقّـى مفرداتـي قبـل مـا اقولهـا
إييييه يا مِهدي لنا الفن وانواع العزوف=المعازف لا تماديت وش محصولهـا ؟
جعل قلبٍ عند ضيق النوازل ما يروف=غير قلبك ، يعْرف النـازلات وهولهـا
وانت لامنك تخليت في عـز الظـروف=عندنا شيمه بعـرض البـلاد وطولهـا
رح وانا بروح واللي مضى خله يطوف=ماعرفت اختار من هرجتي معسولهـا

سامح الله بيض الايام لا قامت تلوف=لا سرت يم النشاما تطق طبولها
والتعب في بعض الايام ماهوب مخلوف=كيف بقعا كل ليلة يجى مرسولها
لية يادنيا الشقا مامعك غير السيوف=والسعادة والهنا ماهقيت وصولها
الهموم الكايدة دايمً عندي ضيوف=فوق متني زودتني بكثر حمولها
ماعلى الدنيا ملامة ولا فيها حسوف=الحسوفة ماتعرف العرب وزحولها
وكان تبغى الفزعة اللي تحضر ماتطوف=فزعتً ياصاحبي واضحً مفعولها
ابشر بعزك وحنا نجى قدم الصفوف=فى لزومك بس تآمر وحنا نزولها
من يروح ارجوك خلة يغادر ومحذوف=وهرجتك ياصاحبي طيبن مدلولها

	المشاركة الأصلية كتبت بواسطة فهاد

	السلام عليكم اخي العزيز الشاعر المتألق .. شاعر الملاحم / سعد بن محمد بن تويم صح الله لسانك .. ولسان ابا عبدالمحسن .. ( رائد الشعر ) و ثقافته .. وحُليه , طوق العنق .. واساور اليد .. ومتملك شغاف القلب .. قد عانقت شاعر القدر اللفظية : ابا عبدالمحسن .. الشاعر المتمكن .. فـ أنت وهو في قمة الشعر .. وأول قائمته من الشعراء الافذاذ .. الله لايهينك ياأبا محمد والله يعطيك العافية اخوكم فهاد