قال الذي يمسك على القاف طاره
بيته على سطر المثيلات موزون

كن القوافي في المضامير غاره
ذولا يجون وثم ذولا يروحون

ترى البدل في حارة الشر حاره
ولاخير في دارن بها الهم وغبون

عمر الليالي ما تغير مساره
ياما بها زينن وياما بها اشيون

جار المضره صار مثل الخباره
من نام فيها يصبح الصبح مجنون

بعض البشر يودع عمارك دماره
افعال تفعلها من العالم اعفون

تصبح وزيرن مير مامن وزاره
كن البلى غنى على اركانك الحون

المسك غالي لو تبيَّن سماره
والتتن عفنن لو من المسك مدهون

اللي يقفِّي عنك قل له وداره
واحرص على خمسن مع اللي يصلون

وكبر الحرايق تبتدي من شراره
واحذر تعبي من المعيبات ماعون

وافهم ترا الانسان هرجه وقاره
كم واحدن من هرجته صار مهيون