قالوا إن التغيير هو سُنة الكون
و ثبات الحال سَمة
فى عقل المجنون..
وإن الليل صديق المواجع
تسهر ويّاه يغنى معاك
تهرب منه يجرى وراك
و زى ما روحت
زى ما راجع
....
مش مرتبط بـ الساعة
قالوا على قانون المشاعر
وإن الضحكة بتفوت بالساهل
و وقت الحزن كان واعر
...
انا عايش وبسمع كل الّى اتقال
مش شرط دايما اصدقـ
لكن الحقيقة ومش خيال
الليل سريع على الّى بيعشقـ ..
لكنى بردو حالة نادرة
بشوف العشق برّاح ويساع
و ماهوش لازم أحب الليل
عشان واحدة
ولا أزعل عشان القلب
يوم اتباع
..
انا السهران بيضحك
هتلاقى زيـُه كتير
قلبى ماهوش ميت
لكن عقلى كان
..راجل
مهما تحيد سكتك
قول .. كلـُه خير
أنـُشر أدان ضحكتك
و أكتب نبأ عاجل
" الحمدلله على كل شئ " .