كيكة الشيكولاتة بالصوص الجميل
http://azyya.com/wp-content/themes/a...650&h=250&zc=1
هنعمل مع بعض النهاردة أحلى طريقة لكيكة الشيكولاتة طعم مميز وجميل , فبإمكانك عمل الحلويات اللى بتحبيها من صنع ايديكى أفضل بكتييير من شراؤها من الأسواق ,
وصفة النهاردة مناسبة لتقديمها فى أعياد ميلاد أولادك أو تقدميها لصحباتك مع المشروب المفضل لكى … مقادير وصفتنا متواجدة فى كل مطبخ كونى أم شاطرة واعمليها مفاجأة لأولادك …
طريقة سهلة ونتيجة مضمونة بالاضافة انك واثقة من نظافتها وتعرفى مصدر كل مكوناتها فكونى حريصة على صحة أسرتك وقدمى لهم كل اللى بيحبوه من صنع ايديكى .
http://azyya.com/wp-content/uploads/1135.jpg المقادير
5 بيضات
2/1 1 سكر
3/4 كوب حليب
3 كوب دقيق
3/4 كوب زيت
كاكاو بودرة
4 ملاعق صغيرة بيكينج بودر
فانيليا
صوص الشيكولاتة
1/4 كيلو شيكولاتة خام
2 ملعقة كبيرة سكر
ملعقة زبدة
ملعقة كبيرة نشا
2 كوب حليب
http://azyya.com/wp-content/uploads/5210.jpg
طريقة التحضير صوص الشيكولاتة
– قومى بخلط الشيكولاتة الخام مع السكر والزبدة والنشا والحليب ، وقلبيهم جيدا على النار أن يذوبوا تماماً.
- اضربي البيض مع الفانيليا بالمضرب الكهربائي،ثم ضيفي عليهم السكر والزيت، واخلطيهم جيدا مع بعض.
- و اخلطي الدقيق مع البيكينج بودر، ثم ضيفى عليه خليط البيض، وقلّبيهم مع بعض جيداً باستخدام ملعقة خشب، حتى تمام تجانس المكونات ويتماسك مع بعضه،
- ثم ضيفي الكاكاو بمقدار وجربى ثم ضيفى المزيد حتى تحصلى اللون الذى ترغبى فيه.
- احضرى صينية الكيك ، وادهنيها بقليل من الزيت ، ورشّيها بالدقيق، وصبّي فيها العجين،
- ادخلى صينية الكيك في فرن ساخن، واتركيها لمدة 30 دقيقة،
- بعد مرور الـ 30 دقيقة افتحى الفرن ، واغرسي فيها السكينة؛ حتى تتأكدى من تمام نضج الكيكة
- واذا خرجت السكينة نظيفة تكون الكيكة أصبحت ناضجة تماما واذا خرجت والتصق بها العجين ادخليها لمدة 10 دقائق أخرى .
-ثم اخرجى صينية الكيك من الفرن، وضيفى عليها صوص الشيكولاتة البارد، واتركيها جانبا حتى تهدأ، ثم قطّعيها وقدّميها.
بالهنا والشفا .
ملحوظة:
*يمكنك رش وجه الكيك بالمسكرات المجروشة أو وحدات من الكريز أوتزينيها بالكريمة أو الشيكولاتة المبشورة .
