يلي تكلمني من ربوع جيزان=تنشد عن الأحوال تسرك الحال
دارت بك أزمانك ودارت بي أزمان=ولابد ماأشوفك لون الدهر طال
بعطيك موجز عن حياتي ياذيبان=بعدك وأن في حل دايم وترحال
نزلت في ديرة طليقين الأيمان=ناس لهم في قمة المجد منزال
سهول في يوم المثاراة شجعان=رجالهم يسوى ثمانين رجال
لاثار عج الخيل قافيه دخان=خيالهم يطرح ثمانين خيال
مبطي يوم إن الناس تؤخذ بالأكوان=اللي سلم من ضربهم صابه إهبال
فريسهم فالمعركه شانهم شان=اللي يواجهم قصر عمر ماطال
كم راس شيخ طار من فوق الأمتان=بحد الصقيل يطيره ضرب الأبطال
حازوا فقارة نجد بالسيف شامان=تاريخهم تفخر به أجيال وجيال
سهول أقول سهول وبليس زعلان=كل سهلي فالطيب مضرب للأمثال
ياطيبهم في يوم زوغات الأذهان=يزلزلون الأرض بالخيل زلزال
أهل ثلاث غاليات بالأثمان=العود الأزرق والشحم وأيضاً دلال
تلقى مجالسهم كذا دون بيبان=مفتوحة للضف في كل الأحوال
هم للكرم والطيب والمجد عنوان=في طيبهم مانقبل هروج وجدال
قصيرهم يبقى معزز ولايهان=يعيش معهم داله سالي البال
ولي الشرفت لاعشت من بينهم كان=الله عطاني عمر ياطيب الفال
حنا وهم أصحاب وأحباب وأخوان=واللي يجمعنا بهم زين الأفعال
قلته وأن من منبع الطيب سبعان=من لابة لاجا اللقاء تدحم الجال

الغربي

صح لسانك

على هذه المشاعر الرائعة و القصيدة الجميلة