مجالس الرويضة لكل العرب

عجبتني ونقلتها من جريدة الرياض

http://s.alriyadh.com/2012/09/19/img/053990270394.jpg

حزنه تشوفه دوم في دمع عينه

والدمع يفضح سر ما كان خافي

حاله الم دايم وصوفه حزينه

كلّه قهر ب اسباب خل(ن) مجافي

ومن هو فقد خلّه وفارق ضنينه

ياطا صخور الهم والغم حافي

يا متعبين الزين يا متعبينه

تكفون لاينثر من الدمع صافي

مزيون وعيونه وسيعة وزينه

ولامن بكا زادت همومي خلافي

طبطبت له والدمع به يا غبينه !

قلت الحزن وش له يبو رمش ضافي ؟

هذا الفرح رح له تغانم سنينه

قال التعب يا سيّد الجود لافي !!

والجو بارد والسوالف دفينه

وهمي ترا عن هالبروده لحافي

قلت: الحزن مبحر وجرحك سفينه

والهم عتمه واكثر الجرح يافي

والعين تصبر والمدامع رهينه

وصبرك جنا لو طوّل الحظ غافي

خذها ومني (حكمتين(ن) ثمينه)

من هاجسن لا قال قالوا عوافي

ترا الرجل لا شاف شيّ(ن) يهينه

يشوم عن درب المذله سنافي

لا صار همّك لك قدر لا تدينه

خل الصبر مذرى جروحك وكافي !!

أحمد بن محمد التميمي- المجمعة