وحشة مشاعر

وعد الصباح ونـور وجهك وملفاك له طلتن تسمح بزين الوصوفي يا زينها لامن نطحني محياك اضيع في مشيي واضيع بوقـوفي من فرحتي والشوق يرقص بطرياك وش هالصباح المستهيم العطـوفي اقبلت يا جعل العرب من فداياك شقر الذوايب فوق ذيك الكتـوفي اجمل مفاتيح السعاده بلقياك وقولة سلام الله تراها معـروفي انا صحيح اني من ادنى دناياك ولي حق من دون اذكرك في حـروفي لكن نثرك الشوق من قو الارباك واسرعت اسابق خطوتي مع ظـروفي وش صار ولا وش بقى عقب فرقاك ما اظن به شيٍ بعدك مخـلـوفي اصبحت انادي وارفع الصوت وانخاك وامسيت بين انك تجيني وتوفـي وعدن مضى عهد الموده وشرواك ما يخلف الماعود مهما يشوفـي يا غايتي صبح الغلا بالغلا جاك وأصبحت خد الشوق ليله ذروفـي وحشة مشاعر جت تدور على رضاك وشاعرك يهديلك عبير الحـروفـي

الله على الأبيات الرائعة والاختيار الأروع تسلم يمناك اخوي

ام رسن

تواجدك هنا اسعدني

لاهنتي

صح لسانك ولسان شاعرها
ابدعت في الاختيار
بانتظار جديدك بشوق
دمت بخير

هدوء القمر

ربي يسلمك

تواجدك شرف لي

لاعدمنا حضورك