مجالس الرويضة لكل العرب

دكتور لو تشرح عن عيونها السـود
ابرك لنا من شرحك بعلم الاعصاب

تشرح لنا الاعصاب عن مخ مولـود
واعصابنا ذابت من فراق الاحبـاب

تشرح وانا عقلي من العـام مفقـود
عقلي مع الي كامل الزيـن جـذاب

الزين فيهـا مالـه قيـاس وحـدود
عنق المها ترخص له أعمار وارقاب

ولعيونها زين عن النـاس بـه زود
يازينها لاسلهمـت ذيـك الاهـداب

ولرموشها ظل على الخـد موجـود
ولخدودها نور عن البـال ماغـاب

ياما حلا ليل على الـردف مهـدود
عن شوفته ردتني ظروف وأسبـاب

نظراتها اعطتني مواثيـق وعهـود
والظن فيها بنت الأجـواد ماخـاب

ميثاقنا النظـرات والحـب محـدود
بيني وبينه ماحصـل شـي ينعـاب

جسر المحبه بيننـا اليـوم ممـدود
وعن حبها قلبي من العـام ماتـاب

هذا الكلام الي من القلـب مسـرود
والله ماني ياهـل العـرف كـذاب

دكتور لوتشرح عن عيونها السـود
ابرك لنا من شرحك بعلم الاعصاب