|
رد: عاجل لكل الاعضاء السلام عليكم.... المنتدى و بصراحة وعلى بلاطة مات وصعب يرجع الى عهدة اللي انت خابرة ياسمو.. الدحملي دمرة قبل لايروح بتنفير الاعضاء والسياسة العقيمة وكلمة انا المدير اسوي اللي ابي , واستلمة ابو علي وغرق الغرقان اكثر , الاملاء كلها خطا مع انه رجل تعليمي وله باع طويل في السلك التعليمي, فية اكثر من عضو نشيط ومحرك للمنتدى بمجرد ان تركوا المنتدى لظروفهم , بدل من انزالهم من الاشراف تم تحويلهم الى المحظورين , يعني ادارة لاتعرف تحول العضو من مشرف او مراقب او اداري او استشاري الى عضو عادي , على طول طقة من المحظورين سلااااماااات... بعدين فية واحد يتحكحك يبي يصير من الاداراة وله كم نك هينا واغلبة اسامي حريم وهو اللي حاول يجر الاعضاء الى المنتدى الجديد اللي اسمة شباب الرويضة ومن هالكلام والحركات وهالحين هو موجود يترزز بينكم << سمو والله مانيب اقصدك لايروح فكرك بعيد والله شاهد.. وفية 5 من الاعضاء اللي مشعللين المنتدى في منتديات ثانية ومشاركاتهم تتجاوز 7000 مشاركة , ناهيك عن اللي اشغلهم تويتر والمواقع الاجتماعية , يعني هالمنتدى الكتابة فية والمشاركة من النفخ في قربة مشقوقة... تقبلوا هالكلام بسعة صدر...وهذي الصراحة اللي اتحدا احد يجحدها... |
رد: عاجل لكل الاعضاء بصراحه من ناحيتي ماعندي وقت الايام هذي لاني خارج دولتي ومشغوله واااااااااااااا ايد وان شاء الله بعد ماارد للديره باذن الله سوف اقوم ماهو مفروض ان افعله ارجو تعذروني الايام هذي لاني ادخل المنتدى وانا نعسانه حدي مافيني شده لعمل اي شي لكم كل الود مني |
رد: عاجل لكل الاعضاء اقتباس:
مرحبا بك ابو غانم وجهة نظر احترمها وان كان لي عليها بعض الملاحظات فيجب ان لانذكر ابو هلا الا بالخير رجل عمل واجتهت ولكل مجتهد نصيب وله منا الشكر والثناء فهو قدم مالدية وجد واجتهد وهاهو سلمة للجميع ورحل من يتعذر ان ابو هلا سبب تركة للمنتدى فليرجع الان وعن ابو علي رجل قبل تحمل المسؤلية والتضحية بوقته ليبقى منتدى الرويضة قائم والرجل يعمل وله منى الشكر والثناء لايجب ان نتحجج بحجج اخرى ونخرج عن صلب الموضوع فمن منكم قال انا اريد المنتدى قبل ابو علي ليستمر المنتدى ؟؟؟؟ ابو علي ماقبل هذا التكليف حب في منصب مدير منتدى ولا لشهرة فالرجل قبلة ليبقى منتداكم ومنتدى ديرتكم الرويضة وعن قولك ناس يترززون يبون الادارة فالادارة ليست حكرا على احد من جد واثبت وجودة بحضورة وحسن خلقة ثق ثقه تامة اننا نرحب به اشكرك على مداخلتك واقسم برب البيت ان مداخلتك افرحتي وماعليك وانا اخوك كلنا اخوان هنا نتناقش بما فية فائدة منتدانا واختلاف الرأي لايفسد للود قضية وياليت كل الاخوان يحذون حذوك ويسعدونا بمداخلاتهم كل من اجمل تحية وعيدك مبارك |
رد: عاجل لكل الاعضاء اقتباس:
اختي انتي من ضمن الاعضاء المميزين ولك حضورك ولا ننكر هذا الشي والجميع يكون عندة ضروف وتزول ويعود وان شاء الله تعودي لديرتك ونسعد بمشاركاتك |
رد: عاجل لكل الاعضاء ان شالله يكون المنتدى افضل من كذا ولا ودي اعلق لان ماصار لي فتره من يوم سجلت وشكرا لك اخوي على اهتمامك بالمنتدى |
| الساعة الآن 07:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..