|
خدمه لو تكرمتوو السلام عليكم ورحمة الله وبركاته كيف الحال احبتي الكرام في مجالس الرويضة اعتذر عن غيابي الفتره الماضية وذلك لظروف خاصه بي اريد منكم خدمة وياليت ما تقصرون معي جاء تعيين اختي في الحصاة التابعه لادارة القويعيه ونحن لا نعلم عن هذه القريه اي شي كم تبعد عن الرياض ؟ وهل يتوفر سكن قريب في هذه القرية ؟ وهل توجد بها خدمات ؟ وهل هي امنه ام لا ؟ اريد معلومات كامله عنها وشكرا لكم |
رد: خدمه لو تكرمتوو هلابك اخوي منور بعودتك وعن المعلومات عن الحصاه ماعندي معلومات كافية ولاكن اعرف انها تبعد عن الرياض حوالي 280 كلم وعن السكن وهذي الاشياء لو اتصلت على ادارة التعليم راح تفيدك اكثر وعن الامان ان شاء الله ان كل مكان بالسعوديه امان |
رد: خدمه لو تكرمتوو اولا http://smiles.al-wed.com/smiles/25/halaashoq2.gif ثانيا الحصاه مركز وليست هجره يوجد بها بلدية ومكتب لتربية والتعليم وجميع الخدمات موجودة اما عن السكن فلي زمان مارحت لها اتوقع موجود وبعدين تعيين اختك بمكتب التربية بالحصاه وليس في الحصاه نفسها المكتب يتبع له هجر كثيره اتمنى ما يكون تعيينها في قرية نا ئية والامن كل بلادنا ولله الحمد امان اتوقع الحصاه منها واخيرا مبروك تعيينها وربي يسهل الامور لو خيروك تعال الرويضة افضل حتى من القويعية نفسها موفق انشالله اتمنى اكون افتك وتقبل مروري اخوك محمد والاخوان انشالله يضيفون لك الي انا ما قدرت اضيفه عن الحصاه |
رد: خدمه لو تكرمتوو اقتباس:
اقتباس:
مرحبا اخوي سمو الاحساس حسب كلام قوقل ان الحصاه تبعد عن الرياض 300 كيلو شاكر لك مرورك اخوي وردك |
رد: خدمه لو تكرمتوو اقتباس:
اقتباس:
مرحبا اخوي محمد بن خنين الحصاه تبع ادارة تعليم القويعيه وكثير يوم سالت قالو منطقه نائية جدا وكلها مشاكل وبدو طيب سوالي الحين كم تبعد الحصاه عن الرويضه لو سكنت بالرويضة بالكيلو والساعة ؟ وهل يوجد باصات توصل من الرويضة للحصاة ؟ والله فرحنا وانعفسنا في نفس الوقت توقعنا بتكون بالقويعيه لكن الصدمة جت بالحصاه والمباشرة ب 7/ 10 يعني يالله يمدي نرتب امورنا |
رد: خدمه لو تكرمتوو اخي الغالي الحصاه نفسها اعني الحصاه كا مدينة ( قرية) كل الخدمات بها لكن ما اتوقع يكون التعيين فيها يتبع لمكتب التربية والتعليم بالحصاه الكثير من المدارس بعضها من الحصاه تبي تمشي عشرات الكيلو مترلت لكن لو كان التعيين في الحصاه المدينه تبعد من الرويضة 30 ملم على السريع الي المفرق وطريق الحصاه 120 كيلو متر تقريبا الجموع 150 كيلو متر الوقت حوالي ساعة وهناك الكثير من السيارات جموس وباصات صغيرة يوميا من الرويضة للحصاه نقل معلمات وكذلك من القويعية للحصاة والمسافة من القويعية للحصاه 40 كيلو متر و120 كيلو متر 160 كيلو متر اتمنى تكون وضحت لك الامور |
رد: خدمه لو تكرمتوو اقتباس:
اقتباس:
الله يجزاك خير اخوي محمد طيب وش الافضل كسكن الرويضة او القويعية وهل اقدر استاجر شقة مفروشة في الرويضة اجار سنوي ام لا حيث ان اختي بتسكن ومعها 3 معلمات تعيينهم في الحصاة ايضا ونريد شقة مؤثثه جاهزة تؤجر سنويا لهن ياليت تزودنا ولا عليك امر والاعضاء باسامي الشقق وارقامها واصحاب الباصات وارقامهم وشكرا لكم |
رد: خدمه لو تكرمتوو كخبرة سابقة في الحصاة من الرويضة كالتالي 25 كم الطريق السريع من الكبري إلى الحصاة وبالتحديد الحفيرة 120 كم وعاد لو جا التعيين في هجر فبعض الهجر يبعد عن المكتب 50 كم وربما تزيد المسافة من الأخير الله يعينكم ماكان يهون الدوام إلا مدير المدرسة الله يرضى عليه دنيا وآخرهـ ولو بغيت شيء أسدح الأسئلة هنا وأبشر بالإجابة |
رد: خدمه لو تكرمتوو الله يجزاك خير يامعلم جديد طيب هل في الحصاة سكن مرتب مو بيت شعبي وكيف الحياة هناك والدوام متى يخلص بالمدرسة يعني يطلعكم المدير بدري والا كيف واذا تعرف ارقام نقل خاص للمعلمات ياليت تزودنا واذا عندك صور للحصاة انت والا احد الاخوان ياليت نزلها على الاقل نعرف كيف الوضع وشكرا لك وللجميع |
رد: خدمه لو تكرمتوو السلام عليكم ورحمة الله وبركاته كل عام وانتم بخير ادري ازعجتكم بالموضوع لكن وش اسوي انتم ادرى مني بالحصاة وهجرها بحكم قربكم منها الان انفتحت البوابة لتعبئة الرغبات المكانيه بالحصاة وابي مساعدتكم باقرب هجره في الحصاة ابتداء من القريبه الى الاقرب وياليت اللي يعرف بالكيلو يوضح واكون شاكر لكم ومقدر |
رد: خدمه لو تكرمتوو اقتباس:
اولا http://www.waraqat.net/2008/09/eid31.gif ثانيا لي زمان مره جيت الحصاه ومن زمان انت اكتب اسماء الهجر الي عندك ونوضح لك قربها من بعدها فمثلا مويسل بعد الحصاه بحوالي 30 كم وجاحد بعدها بحوالي 80 كلم |
رد: خدمه لو تكرمتوو لو انا منك اروح للحصاه تفقد الوضع وأستاجر شقه وأكلم راعين الباصات نقل المعلمات أضبط الشغل من الحين عشان ترتاح وتريح أهلك حلو انك تجمع معلومات الله يوفقكم |
رد: خدمه لو تكرمتوو أخي الكريم/ بالنسبه للحصاة فهي منطقه نائيه يوجد بها بعض الخدمات سكن معلمات ومعلمين مستوسف مخفر شرطه بلديه ومندوبيه ومكتب اشراف ويوجد بها مدارس في هجر متفرقه مثل الخالديه والحواشيه الحفيره الحفاير خيم 1 وخيم 2 البوق طريف الدراويش مويسل جاحد وفي الاتجاه الاخر الربوه الرقميه الرزح الرزيوه ابوالسروح سر ال كعده بالنسبه للسكن فانا انصحك لاتسكن في الرويضه لان مافيه نقل سوى سيارتان فقط وبصراحه غير منتظمين في الدوام مماقد يسبب لكم احراج مع ادارة المدرسه ولا انصحك بالسكن في الحصاة ليست امنه يوجد في القويعيه سكن معلمات كبير يسكن فيه معلمات من جميع مناطق المملكه وفيه سيارات وفانات كثيره تطلع من القويعيه مثال نقل المطوع خمس فانات تطلع للحصاة وابو محمد كذالك هذا غير النقول القادمه من الرياض للحصاة واللي تمر القويعيه بشكل يومي يعني فرص التنقل كثيره بدون احراجات مع ادارة المدرسه فهمت ماذا اقصد وشكرا. أخوك / المحال# |
رد: خدمه لو تكرمتوو المدارس كالتالي حسب الشرائح شرائح محافظة القويعية ( قطاع الحصاة ) الشريحة رقم 527 الشريحة رقم 528 الشريحة رقم 529 المدى اسم المدرسة المرحلة المدى اسم المدرسة المرحلة المدى اسم المدرسة المرحلة 1 الحصاة الابتدائية ب 1 طريف الابتدائية ب 1 الربواء الابتدائية ب 2 الحصاة المتوسطة م 2 دراويش الابتدائية ب 2 الربواء المتوسطة م 3 الحصاة الثانوية ث 3 مويسل الابتدائية ب 3 الربواء الثانوية ث 4 عبدالله بن عباس بخيم الابتدائية ب 4 مويسل المتوسطة م 4 الجدعاء الابتدائية ب 5 عبدالله بن عباس بخيم المتوسطة م 5 تحفيظ الرزيوة الابتدائية ب 6 الرقمية الابتدائية ب 6 تحفيظ الرزيوة المتوسطة م 7 الرقمية المتوسطة م 7 الحصاة القصوى الابتدائية ب 8 الشريحة رقم 530 الشريحة رقم 531 الشريحة رقم 532 المدى اسم المدرسة المرحلة المدى اسم المدرسة المرحلة المدى اسم المدرسة المرحلة 1 طارق بن زياد الابتدائية ب 1 القرارة الابتدائية ب 1 جاحد الابتدائية ب 2 أم أثلة الابتدائية ب 2 القرارة المتوسطة م 3 عثمان بن عفان الابتدائية ب الشريحة رقم 533 الشريحة رقم الشريحة رقم المدى اسم المدرسة المرحلة المدى اسم المدرسة المرحلة المدى اسم المدرسة المرحلة 1 الإمام أحمد الابتدائية ب وهي مرتبه كاملة الاقرب في الاقرب |
رد: خدمه لو تكرمتوو الحصاه الابتدائية او المتوسطة |
رد: خدمه لو تكرمتوو مشكورين على تفاعلكم الطيب اليوم رحنا للحصاة وصراحه بعيده وماينفع نقل وللاسف روحتنا على الفاضي قالو سجلو اسمائكم واليوم بتوصلكم مسجات باسماء المدارس وتروحون بكره للقويعيه وتاخذون خطابات التوجيه وتجونا بالحصاة والله ادارة مافيها نظام ولا يعرفون لنظام مشورو هالعالم على الفاضي والمدرسة ابتدائية |
رد: خدمه لو تكرمتوو ربك يعين وسع صدرك |
رد: خدمه لو تكرمتوو ربي يعينكم وبالتوفيق ان شالله |
| الساعة الآن 04:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..