مجالس الرويضة لكل العرب

كثرت فغيابك لكن .. هني وصحوح
ياللي مغرقني ولا فيك .. مينآآآ !!

الد بعيوني على السيف .. وآنوح
وموج الجفا يحرق ولا عاد رينا

صح انك اللي تارس " قلبي جروح
وصح انك .. اللي في هوآه ابتلينا

لكني ( احبك ) محبه من الروح
حب العرب في مصر لتراب سينا

قلبي من همومه وطاريك .. مذبوح
وانا وعيني من فراقك بكينا ؟؟

لا صار حبك جرهدي قيض وسيوح
مابه روآه .. فذمتي لا ضمينآآ

آصد بدموعي من الناس لا آبوح
بس الدموع تبوح .. لو ما حكينآآ

يا قلبك البارد .. ترى قلبي يفوح
ولو ان قلبك فاح .. ما ارخصت فينا

وش حدك لـ هجر" على غير مصلوح
ما ذا بجزانا عقب ما احنا وفينآ

عج الغياب .. بوجه الامال مكثوح
والبعد يذبح شوقنآآ .. ما درينا

ترى الهوى اخذ وعطا يا منى الروح
يا زبني الله وش خذيت وخذينا

لا اخطيت ثم جيت اعتذر قول مسموح
حنا بشر لولا العذر .. ما خطينا

مهوب تزعل كل ما ضقت وتروح
وتهدم بلحظات الغضب ما بنينا

كانه دلع .. يا عزتي لي من الصوح
وكانه غلا .. فديتنا كلبينا

نذر علي ما عاد في خاطري بوح
الا عسى ربي عليك .. يهدينآ

باب العواذل لا تخليه مفتوح
ودرب المفارق لا تحده علينآآ

اجرح خفوقي لين ما تشبع جروح
وانا وقلبي في عذابك .. رضينا
الشاعر حمد البريدي