حسبي على الشعر

حسبي على الشعر نوب و نوب حسبـي لـه..
............... [نـوبٍ يخفـف علـيّ] [ونــوب يجرحـنـي]..!!

عسانـي أخـطـي رداه وهـزلـه وميـلـه..
............... وأصيـب شـيٍ لـيـا قلـتـه يربحـنـي ..

والله يسامـح خـطـاه/ وســوء تأويـلـه..
............... وأنـا علـى زلــّـتـي ربــي يسامحـنـي ..

الـنـاس كـلٍ علـى هـمـه يغـنـي لــه ..
............... وغنيت(لـ أصغر همومي) وأنكسـر لحنـي ..

ياصاحبـي/ صاحـبـك كـثـرت غرابـيـلـه ..
............... ولا بـه إلا أنــت يـشعـر بـي ويـلمـحـنـي ..

وين أنت يـا أطهـرمــن الغيم وهماليلـه؟!
............... ياللـي ليـا مـر لـك طــاري يفرحـنـي..!!

جاد بَـك كـف الزمـان وشـح مـن ليلـه..
............... شـف كيـف الأيـام ماتبغـى تريحـنـي!!

وشلـون ابـ أنسـاه؟؟ و أنـا أصغـر تـفاصيلـه !!
............... تسـر حالـي ولـو حـال الزمـن محـنـي ..!!

صوته ،، وضحكه ،، حـور عينـه ،، مظاليلـه ..
............... صباح وجهـه ،، عسـى وجهـه يصبحنـي ..!!

ربكـة يدينـه ،، شـذى عطـره ،، ومنديلـه ..
............... براءتـه ،، طيشه،، أن حــاول يمازحـنـي ..!!

أجيه،، و أوقف ،، و أروح!! ألقاني أجـي لـه ..!!
............... وأضيق،، و أرضى ،، ولا أدري من مصالحني؟!

أدل كـل الـدروب الـلـي تــودي لــه .!!
............... وتـردنــي عـزتـي والـشـوق ذابحـنـي ..!!

ياكثـر حزنـي عليـه وكبـر حبـي لــه .!!
............... وياطول صبري وأنا اللـي صـدق جارحنـي .!!

يا أطهر مـن الغيـم وأعـذب مـن هماليلـه ..
............... ياللـي ليـا مـرّ لـك طــاري يفرحـنـي .!!

أخطيت أنا.. وأنت نفس (الجـرح والليلـه)!!
............... وسامحـك قلبـي وعيـا لا يسامحـنـي..!!!