مجالس الرويضة لكل العرب - الراس بيت شيوخ

الراس بيت شيوخ والحلم جاسوس
للنفس يقطع من تركها ثواني

خذني وطلعني ولو الهوى كوس
ابا أتنفس شي صافي وهاني

داخل تصادم فكر ومزاحم نفوس
على فتافيت الغوى والغواني

http://www.daleel-malaysia.com/vb/ga...bby_lounge.jpg

في هاللوبي كل شي ضايع ومعكوس
ماكن في هالكون رب واماني

http://i4.ytimg.com/vi/Kx4ISdpqLR0/mqdefault.jpg
اثاثه الغامق وتصفيفة الكوس
تدل على ذوق راقي وداني

شفهم وشف كيف الفشل يجعل الروس
اشيا كماليه مابين الاذاني
http://t3.gstatic.com/images?q=tbn:A...hzzQsIKFMkUBh4

وشف كيف هذا ثمل ويعثر ويدوس
على مسمى جده الاولاني

http://alsary.com/vb/imgcache/2/100087alsh3er.png
وشف كيف هالشايب برغبته محبوس
تحت شعار ان آخر العمر فاني
http://www.image2view.com/images/486...1857282198.jpg

احس عنده عيله وبنت عروس
تخجل من ابوها كثير وتعاني
http://t0.gstatic.com/images?q=tbn:A...C0T-V_1s6T9F7Q
وشفت الثنين هناك تراهم جنوس
رجال بس رجال من نوع ثاني

ضحايا نفط وقل طاعه وناموس
والام كانت طيش والاب اناني
http://t2.gstatic.com/images?q=tbn:A...URGqzuv3zIaPLd
وشف هالجمال اللي مدّثر ومحيوس
مثل الكلام اللي بليا معاني

فتاه تعرض جسمها الغض بفلوس
ويبيعها في اليوم عشرين زاني

كل الزوايا طافحه قبح ونجوس
تسبح وفي الركن الاخير المواني
http://i1.ytimg.com/vi/ho-uI5JRy-8/mqdefault.jpg
واحد يغني وعنده حثاله جلوس
كأن ما في هالحياة الا اغاني

ياوخز قلبي وخزة الجرح بالموس
ياعالمن ما فيه حلم وتفاني

في هاللوبي ما فيه ريس ومريوس
الكل بايع نفس والكل جاني

والكل عنده عذر واهي ومدروس
لو قلت ليه انت كذا قال اعاني

انا اللي اعاني من القوس للقوس
هذا مهب جوي ولا هو مكاني

بركض وابي يركض معي ألف فانوس
الى صباحات الغلا والتهاني

روّح معي والواقع احيان كابوس
وانا ما احط اللوم على زماني

احمد ربي كل ما دق ناقوس
واعرف حدودي واستحي من كياني

واصمت اذا جا للحكي روس وعسوس
واضحك ولو وجهي من البكي حاني

لو كل شي محسوس بالفعل ملموس؟
طلعت آخر جرح بين المحاني