|
مكتب الاتصالات السعوديه stc بالرويضه !!!! السلام عليكم ورحمة الله وبركاته اسعد الله مسائكم بكل خير اتكلم في موضوعي عن مكتب الاتصالات السعودي stc بالرويضه اشوف فيه تقصير واضح من ناحية الموضفين يعني مافيه اللا موظف واحد اللي يشتغل مدري وش اسمه اذا ماخاب ظني قحطاني ,, صراحه ما اشوف عنده مهنية في العمل يعني ماعنده كفائه -- ما يتقن . طلعت للمكتب ابي اسجل شرايح سوا بأسمي انا وبعض المراجعين نتفاجى انه يحدد وقت من مزاجه من الساعه 8 الى 9 !! مايمدي الواحد يصحى من النوم ويغسل اللا وقته منتهي ,, كيف يحدد وقت ودوامهم من 8 الى 2 الظهر حتى بعد صلاة الظهر مايفتحون !! مماطله صراحه كل يوم بكره حتى الاداره ما تداوم !! لا مدير ولا نائب التقصير في العمل واااضح حتى بعد ما سجلت بياناتي في ورقة طلب .. لحد الان لليوم الرابع على التوالي ما بعد تسجل ولا رقم باسمي .. يمكن يسلك لنا . صراحه يلزم مكافحة فساد تاخذ جوله بالرويضه ارائكم تهمني بالموضوع . |
رد: مكتب الاتصالات السعوديه stc بالرويضه !!!! اشكرك اخوي على طرحك وانا معك لايوجد الا موظف واحد ولا بعد ماسك القسمين الرجال والنساء اليوم انا جيته والله عليه ضغط مدري كيف هو متحمل بس ولاكن من ناحية اتقانه فهو متقن وحريص |
رد: مكتب الاتصالات السعوديه stc بالرويضه !!!! بلا والله مافيه إدارة صاحيه لمكتب الإتصالات كم رقم مكافحة الفساد |
رد: مكتب الاتصالات السعوديه stc بالرويضه !!!! الله يعين المفروض الرويضه كل شي في ماشي صح لان موقعها الجغرافي مميز جداً ولديها كثير من الهجر والمراكز التابعة لها اتمنى الاهتمام بها اكثر |
رد: مكتب الاتصالات السعوديه stc بالرويضه !!!! |
رد: مكتب الاتصالات السعوديه stc بالرويضه !!!! السهلي اشكرك على مرورك الطيب لو الاداره تداوم مثل الناس كان طلبت موظفين زياده بس معطيه نفسها اجازه من سنوات |
رد: مكتب الاتصالات السعوديه stc بالرويضه !!!! معتز اتفق معك مافيه اداره صاحيه وهذه ارقام مكافحة الفساد ماصالح معهم اللا كذا واللا الربع اللي عندنا يطبطبون عليهم الاتصال بالرقم (980) 2- إرسال بريد إلكتروني على العنوان 980@900moi.gov. sa 3- إرسال فاكس على الرقم( 01-4420057 01 ) · العنوان البريدي: الهيئة الوطنية لمكافحة الفساد 7667 العليا ـ الغدير الرياض 13311 ـ 2525 · رقم السنترال الموحد (012644444). · رقم الفاكس الموحد (012645555). |
رد: مكتب الاتصالات السعوديه stc بالرويضه !!!! ام رسن -- من فين بدي احكي لأحكي ... المكتب اللي عندنا اقل مايقال فيه مكتب هجره نائيه مش مدينه زي الرويضه يزورها الجميع الربع اللي عندنا سكتم بكتم جيدين في الترززز .. تسلمين |
رد: مكتب الاتصالات السعوديه stc بالرويضه !!!! سهليه .. مرورك طيب تسلمين |
رد: مكتب الاتصالات السعوديه stc بالرويضه !!!! المارد يعطيك العافيه وهذولا يبيلهم شكوى |
رد: مكتب الاتصالات السعوديه stc بالرويضه !!!! موضوع في وقته اخر ماجيت المكتب اليوم الصباح لاكن للأسف جيت عدوك كنت ابي اطلع رقم جديد قال مافيه رح للقويعية يقول مكتب الرويضة مافيه الا تحديث بيانات فقط لاغير اما استخراج أرقام جديدة وبدل فاقد وغيرها من الخدمات لاتوجد في مكتب الرويضة لاكن اتصلت بـ902 وطلبت رفع اعتراض على مكتب الرويضة واعطوني رقم الاعتراضات ورفع اعتراضي ومدري وش بيصير واتمنى من الجميع الاتصال ورفع اعتراضات حتى تحل هذه الإشكالية وهذا رقم الاعتراض 8002444455 |
رد: مكتب الاتصالات السعوديه stc بالرويضه !!!! قاهرهم .. كلامك صحيح يبيلهم شكوى جاااامده واضح مالهم لا حسيب ولا رقيب |
رد: مكتب الاتصالات السعوديه stc بالرويضه !!!! اقتباس:
إذا كان ربُ البيتِ بالدفِ ضاربٌ فشيمةٌ أهلِ البيتِ الرقصُ .. هذا المثل ينبطق على مكتب الاتصالات اذا مافيه لا مدير ولا نائب ينوب عنه شي طبيعي بيكون فيه تقصير بالخدمات .. بتصل على الرقم وبشوف وش بطلع فيه .. ولو اني ماتفائلت ,, لانهم بيماطلون كالعاده لكن نجرب إن مالقحت ولاّ ماضرها الجمل مرور طيب |
رد: مكتب الاتصالات السعوديه stc بالرويضه !!!! تم تقيييم المشاركات .. واتمنى من ادارة المنتدى الادلاء بدلوها في الموضوع والمشاركه .. علشان بقية الاعضاء يقتدون فيهم ويشاركون |
رد: مكتب الاتصالات السعوديه stc بالرويضه !!!! لاحوووووووول المهم شركه الاتصالات انا اتفق معكم بكل الي قلتوه ولكن للامانه قبل يومين طلعت شريحه بدل فاقد من عندهم وانا اعرف ان الموظفين ثلاثه بالقسم هنا غير الامن ومايداوم الا واحد الي هو ابو عبدالله غيره قليل مالاقيهم موضوع جيد ويعطيكم العافيه |
رد: مكتب الاتصالات السعوديه stc بالرويضه !!!! عشق الهواوي كلامك صح .. بس اللي يشتغل موضف واحد فقط والباقي ما اشوف احد كراسيهم فاضيه . حتى مافيه حراس امن مثل ما قلت مشاركه طيبه |
رد: مكتب الاتصالات السعوديه stc بالرويضه !!!! :: تم حذف بعض المشاركات الغير لائقه وتم التحدث مع الاخت تغريد السهلي وانذارها بعدم التهجم على الاعضاء المحترمين والمارد الازرق عضو منا وفينا وانا كمراقب ما راح اسمح بتهجم عليه هو وغيره من الاعضاء المحترمين وهو حر يحط العلم اللي يبيه وموضوعه شريف الرجل يريد الاصلح في ديرته وهذا حقه وبدلآ من شكره يتم التهجم عليه ؟ ! عمومآ امسحها بوجهي هلمره وانا اخووك وكل عام وانت بخير وسعاده يا رب ورمضان عليك مبارك :: :: المارد الازرق موضوعك رائع وجميل وهذا دليل على حبك لمدينتك الرويضه واذا كان هناك تقصير يجب ابلاغ الجهات المختصه لتعامل معهم ربي يسعدك يا غالي تقبل مروري وتقييمي لك :: |
رد: مكتب الاتصالات السعوديه stc بالرويضه !!!! هذا الكلام الصحيح لابد من شكوى وتغير طاقم الموظفين على راسهم المدير ,,, |
رد: مكتب الاتصالات السعوديه stc بالرويضه !!!! بكشو اضم صوتي لصوتك لابد من التحرك ليت يتغير الطاقم كامل من الى اتوقع والعلم اكيد ان رواتبهم تجيهم وهم نايمين اذا مهيب وظيفه ثانيه مشاركه طيبه |
رد: مكتب الاتصالات السعوديه stc بالرويضه !!!! هــــع .... آسفـــه .... والله يعطيك العافيه ..... وصعب اعلق على الموضوع ببساطه لم أقم بزيارة هذا ألفرع ولا مره في حيآتي ههههه ..... شكرآ |
رد: مكتب الاتصالات السعوديه stc بالرويضه !!!! المارد الازرق اشكرك على موضوعك الهادف واسمحلي اوضحلك الاشكالية:- اولا / الموظفين الموجودين بالمكتب اثنان فقط ثانيا / في الإجازة الصيفية أخذ احد الموظفين اجازه سنوية لمدة شهر وهذا من حقة وبقى الاخر مداوم ... ثم حضر الموظف من الإجازة #وأخذ الاخر إجازة لمدة ثلاثة اسابيع #وبقى الاخر مداوم... ثالثا / بالنسبة لبطاقات سوا جديدة واستبدال تم تسليمها الى مقاول ( شركة سيل) وتم طلب# موظف من الشركة ورفضت بحجة ان الرويضة ليست محافظة وهذا سياسة الشركة ويوجد موظف #بمكتب القويعية.. رابعا/ بالنسبة لتحديد وقت استقبال تحديث سوا فهذا يرجع الى كثر الطلبات حيث انه يتم# استقبال 200 طلب يوميا وهذا يتطلب ادخال البيانات لجميع الطلبات في حيينه وهذا يستغرق #ساعات احيانا الى الساعه5:30 واحيانا اخرى بعد صلاة التراويح و كلة من اجل خدمة العملاء .. أسف على الاطالة ولكن لابد الايضاح# شاكر لكل من شارك وأبدا رآيه تهمنا مصلحة# اهالي الرويضة وأهالي الهجر جميعا# ## |
رد: مكتب الاتصالات السعوديه stc بالرويضه !!!! اقتباس:
اذا على استلام طلبات المراجعين مستحيل توصل 200 لاني اجيه الساعه 10 ويقول خلاص اكتفينا !! مستحيل في اقل من ساعتين يستقبل اكثر من 200 شخص لو في الرياض يمكن يوصل 200 شخص في ساعتين لكن في الرويضه انا من يوم سجل لي طلب تحديث الاسم من اسبوعين والى الان لم يسجل باسمي !! كيف ينجز شغله في يوم .!! السالفه واضحه وضوح الشمس اشكرك مره ثانيه |
رد: مكتب الاتصالات السعوديه stc بالرويضه !!!! وعليكم السلام ورحمة الله وبركاته ماهو الرويضه وبس فيه مكتب القويعيه للتصالات حدثت بياناتي فيه بتاريخ 17 / 8/1433هـ ولم تحدث الى الان وتم مراجعتي لهم اليوم وقالو خلال شهر باذن الله يتم التحديث علما بان الموضفين كثيرين ازود من خمسة موضفين وعندهم فترتين صباح ومساء هذا يدل على الاهمال الزائد لان مافيه رقابه |
رد: مكتب الاتصالات السعوديه stc بالرويضه !!!! اولا مكتب الاتصالات الرويضة المسؤول عنة شركة الاتصالات السعودية ً. ثانيا الموظفين الموجودين من افضل الموظفين في الرويضة من ناحية العمل والاخلاق والتعامل مع الناس. ثالثا انت اي ملاحظة على موظف في الاتصالات او البنوك على طول يعاقبة عملة رابعا الرويضة مشكلتها من الي فيها |
رد: مكتب الاتصالات السعوديه stc بالرويضه !!!! اقتباس:
ثانياً:باين ان الموظفين الموجودين من أفضل الموظفين في الرويضة لذلك تجدهم دائما جميعاً في مكتب الاتصالات ويخدمون المواظين ولا يتغيبون عن عملهم!!!! ثالثاً:من أمن العقوبه أساء الأدب رابعاً:اذا كان مشكلة الرويضة من الي الي فيها فأنت فيها.. |
رد: مكتب الاتصالات السعوديه stc بالرويضه !!!! ^ ^ ^ اوووم التحجيرة خخخخخخخخ ايه صدز ترى الموظفين مغير اثنين مدري ثلاثة وكل ماجيتهم قالوا الجهاز عطلان والجهاز عطلان , مافية جهاز غير هالجهاز... |
رد: مكتب الاتصالات السعوديه stc بالرويضه !!!! الله يعطيك العافيه على الموضوع |
| الساعة الآن 03:23 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..