مجالس الرويضة لكل العرب

غشاك السِحْر والساحـر تفاصيلـه تفاصيلـك
لبستيهـا وعلّقتـي علـى جـيـدك تمايمـهـا

سحر «هاروت» في (بابل) تفرّد بـه مظاليـك
عيون أهل الهوى باتت سهارى مـن ظلايمهـا

صحيح أنّك من الروعه غديتـي فاتنـة جيلـك
وحُمـرة وردة الجـوري بخدّينـك علايمـهـا

ولكـن عزتـي ترفـض ملاعيبـك وتضليلـك
ولا ارضى تنحني نفسي تحت أقـدام ظالمهـا

نسيتي حكمة أقداري من ايّ دْيار جت بي لـك
من دْيار «الجنوب» اللي سكنت أقصى تهايمهـا

جنوبي يرفض شْموخـي أصيـر أوّل مقاتيلـك
ولا اهلي قومٍ تعصّـب علـى الذلّـه عمايمهـا

شرار الدم في عْروقي يشبّ إن قلت: انا دْخيلك
ولا ينطق بها لْساني ولا ارضى الخلق تعلمهـا

ترى عندي من الله خير مثل ما الله معطي لـك
خَلَق لـك فتنـةٍ لكـن خَلَـق رَجْـلٍ يقاومهـا

لو تغيبيـن مـا بارحَـلْ أدوّر عـن محاليلـك
ولـو مرّيتهـا بدربـي أيَمّنْـهَـا واشايمـهـا

ولا والله اباشربـهـا دلال تبَـهّـر بهـيـلـك
ولا تقبض ـولو متّي ـيساري فـي ملازمهـا

ابارحل عَنْك. عن قلبك.. عن احلامك وعن ليلك
ولا تلفين باحلامي بَعَضْ الاحـلام مااحلمهـا!