مجالس الرويضة لكل العرب - اقرب لك من سلسالك

ياخلّي ياقصر البال مع طيلة غيابك
يالولا دلالك ماحدٍ قابلٍ دلّّك

أنا والقصايد كلّبونا على بابك
وراى ماتليّن جانبك رحمه بـ خلّك

لاهب الهواء قلت السعد والبخت جابك
أشوفك ليا شمّيت جوريّك وفلّك

وأموت ابك من سكرة محبّتك واحيابك
تحت رمش عينك لاتفييت في ضلّك

ليا طحت من عيني زعل قلبي وشالك
ولو ملّ كل الكون لايمكن يملّك

مفاتيح قلبي معك ياحضرة المالك
تبختر وخلّك ساكن بـ داخله خلّك

من اقدامك الثنتين حتى خرز شالك
*هلا مرحبا والعرق تحت القدم زلّك

أعشقك واعشق لـ ديرتك واعشق اترابك
وبالإختصار أعشقّك في ذمتي كلّك

عشانك سحنت الكحل بـ عيون عذّالك
وأعز الذي عزّك واذل الذي ذلّك

تراك الوحيد اللي بعد ربي ألجالك
بعد قفّت الدنيا وجيت إلك مقبل لك

بـ صحراء المفارق تايه من الظمأ هالك
تبعتك على الجرّه فـ ترحالك وحلّك

غريبٍ شكى الغربه وزودٍ على ذلك
أقدّرك واداريك واغليك واجلّك
*

لو اقدر أضيف ليال عمرى على ليالك
ماشاورت احد والعمر وسنينه افداً لك

تراني قريبٍ منك من عقد سلسالك
لكن المصيبه كايده مااقدر أوصل لك !!