|
البارحة البارحه .. من ضيقه الصدر محسـوس غابت علـي الشمـس فـي راس قمـه رجلي على جمره ، و كبدي على مـوس عاميـن و الثالـث علـى اخـر متمـه صديت عن وادي به الحبـل ممسـوس و عن وجه بن عمٍ !! يهين بـن عمـه ما قلت جعـل الـروس تفدالهـا روس اقـول وجـهٍ تمـدحـه !! لا تـذمـه لكن بيـت النمـل و الـذر و السـوس ماهـو بيـت اللـي كبـيـر معـمـه ادري ان مسيري عكس و الدرب معكوس وادري ان سلاح الـداب نابـه و سمـه ماكـل جاسـوس نسميـه جـاسـوس لـو نعـرف اللـي كلفـه بالمهـمـه الناس نبـت بروسهـا ريـش طـاوس تفاخـروا ليييـن انكـر العبـد عـمـه تنومسوا فـي شـي ماهـوب نامـوس مثل الصلاة !! اللي علـى غيـر يمـه اللـي معـه دفتـر سنـادات و فلـوس و يرهـن مقابلهـا كرامـه و ذمــه يعطيك فـي الحسنـى نـدوات و دروس ويصرف لك الاخـلاق مـن راس كمـه ان عاف ماكن الطمـع فيـه مغـروس وان طمع في حاجه نسى ابـوه و امـه مانوس يالوادي !! و الا انتـه بمانـوس مهـم ولا فيـك حـاجـه مهـمـه !! اللي علـى جالـك يصيـدون جامـوس واللـي وراهـم ياكلـونـه بـدمـه !! اذيابتـك نجسـه !! و فيرانـك نجـوس من طحـت بيـن يديـه و داك فمـه !! صنـام تبنيهـا نصـارى و هـنـدوس علـى قبـور الانبـيـا و الائـمـه !! يامملكة صدري مـن القـوس للقـوس مـن لا يهمـك !! لا تشيليـن هـمـه جد الولد منحـوس !! وابـوه منحـوس جا من ظهره وقـال لبليـس !! سمـه اهون على اعيـش منفـي و محبـوس ولا ينبعث ريـح الخيانـه !! و اشمـه ماني بدايـم رايـق اخـلاق و هجـوس ان مـا ضويـت بكارثـه جبـت بمـه مدغم ابو شيبه |
رد: البارحة يا ربآآآآآآآآآآه ذائقــه رااائعه للغايه يا مبدع من جد انت ذوووق ومواضيعك ذووق يا ذوووق تقييم لازم حلفت جعلي ما ابكيك لا هنت يا غالي ربي يعطيك الف عافيه على كذا ابداااع |
رد: البارحة خالد لاعدمتك يالغالي انت الذوق بمرورك وتواجدك هنا اكبر تقيم لي |
رد: البارحة تسلم يعطيك العافيه ابيات رائعه |
رد: البارحة ام رسن ربي يسلمك اشكرك على مرورك |
| الساعة الآن 07:33 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..