|
قصائد المرحوم محمد بن علي العاوي ( ابو خالد ) بسم الله الرحمن الرحيم السلام عليكم ورحمة الله وبركاته هنا اطرح بعض القصائد للمرحوم محمد بن علي العاوي السهلي ... وان شاء الله تحوز على رضاكم .. وادعوا له بالرحمه والمغفره .. |
رد: قصائد المرحوم محمد بن علي العاوي ( ابو خالد ) قصيده للمرحوم محمد بن علي العاوي السهلي ( ابو خالد ),, رحمه الله .. وهو مسجون ذلك الوقت في سجن الرويضه قضى في السجن ستة شهور ..ويمدح في القصيده رئيس المركز ابو مشيط .. ياوالله اللي طول الحبس ياسعود ... ستة شهور مانشوف الاهالي واللي مسببها من الناس مقرود ... والله يصبرني على ماجرا لي مثل الحجل في حبسنا دايم رقود ... وياليت من يروح هبوب الشمالي ويامن يخبرني ببو مشيط موجود ... هيف السمين اللي على شف بالي راعي اليمين يفعل الطيب والجود ... دله يقلطها والاخرى تشالي زيزوم ربع تاخذ الحق وتزود ... عدوهم صابه بقلبه هبالي رجال ومشبب ولا فيه عذروب ... وكم من طلي قلطه في الصياني كسابة الناموس من مقدم فهود ... كم اهلكوا من شيخ هاك الزماني تشهد لهم عــروى وضلعانها السود.. وتشهد لهم الضيرين ومنها شمالي وكم صبي راح تلعب به النود ... بمشوك من جوف بطن اليماني وبعد هذه القصيده افرج رئيس المركز ابو مشيط عن ابو خالد بشكل يومي .. |
رد: قصائد المرحوم محمد بن علي العاوي ( ابو خالد ) ماشالله حياك وبياك غلا معنا في مجالسنا الادبيه الله يرحم ابو خالد ويغفر له ولاهنت |
رد: قصائد المرحوم محمد بن علي العاوي ( ابو خالد ) الله يرحم ابو خالد وبيض الله وجهك على نقلها لنا |
رد: قصائد المرحوم محمد بن علي العاوي ( ابو خالد ) الله يعطيك العافيه ربي يرحمه |
رد: قصائد المرحوم محمد بن علي العاوي ( ابو خالد ) اشكركم جميعا على مروركم وجزاكم الله خير . |
رد: قصائد المرحوم محمد بن علي العاوي ( ابو خالد ) السلام عليكم ورحمة الله وبركاته هذه قصيده للمرحوم ابو خالد يمدح فيها صاحبه حشر بن حميد المقاطي ,, ويقول فيها : يانافدا اللي صحبته ماتشيني ... شيخ ولد شيخ مغنه ومجناه تستاهل البيضا وكبش سميني ... لاد الكريز مطوعة كل من تاه اهل المهار السابقه كل حيني ... رجالهم ما تطلق الرمح يمناه كم اهلكوا من شيخ هاك السنيني ... واللي قعد عنده طيور تعشاه وسلم على ابن حميد ذرب اليميني ... رجل شجاع تصرم العظم شلفاه يامظيف الخطار شحم السميني ... وسم الشحم بين على الباب منداه وبيته يرحب مشبع الجايعيني ... وبابه مشرع مابعد صك مجراه .. |
رد: قصائد المرحوم محمد بن علي العاوي ( ابو خالد ) قصيدة ابو خالد في صاحبه سيف بن سويحان رحمهم الله بواسع رحمته .. ويقول فيها .. عساك يابندق هذي سبايبها ... جتني من اقشر وهي ماهيب مبروكه ثارت علي الضحى وادمت مضاربها ... ولولا ابو محمد كلاني الطير بشبوكه مهوب توي على البندق بجربها ... لكن سجيت انا ونسيت مفلوكه |
رد: قصائد المرحوم محمد بن علي العاوي ( ابو خالد ) بسم الله الرحمن الرحيم السلام عليكم ورحمة الله وبركاته قصيده غزليه للمرحوم ابو خالد .. ويقول فيها : يامرحبا باللي على بيتنا مر --- واقفى على الحنتور حسه يشيبي وانهاك ياقلبي عن اللي تعذر --- ان طاع واللا ماعليه مغصيبي ابو جديل فوق ردفه تنثر --- اشقر مغذى له بورد وطيبي مزيت من ريقه زلال كما الدر --- واقفيت من عنده وقلبي عطيبي وعالجت قلبي عند غيره ولا سر --- ولا يعالج الوجعان كود الطبيبي وليا ذكرته طحت كني مكسر --- وازريت اشيل الرجل كني صويبي لاشفت خده كنه الصبح ليا انطر --- عز الله ان بالدين حبله قطيبي وللمزيد بقيه انتظروني ... |
رد: قصائد المرحوم محمد بن علي العاوي ( ابو خالد ) الله يرحمك ياجدي ويسكنك الجنه قصائد جميله كجماله الله يرحمه غلا الايام ., تسلم " انتظرك . احلى تقيييم مني لك |
رد: قصائد المرحوم محمد بن علي العاوي ( ابو خالد ) االله يرحمك يامحمدالعاوي رحمة واسعه ويسكنك فسيح جناته شكرالكم على نشرالقصيدالزين |
رد: قصائد المرحوم محمد بن علي العاوي ( ابو خالد ) اقتباس:
للتوضيح ..عن سبب سجن محمد العاوي صاحب القصيده .. بسبب اعتداء راعي اغنام على مزرعته وحذره عدة مرات من عبث الاغنام في مزرعته .. وراعي الغنم مصر على مروره يوميا على مزرعته وادخال اغنامه فيها .. مما اثار غظب ابو خالد واطلق عليه النار .. والحمد لله عدة على خير والراعي سلم .. وفي النهايه تصالحوا داخل السجن |
| الساعة الآن 02:34 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..