مجالس الرويضة لكل العرب - مرثية الهويمل في بنته سارة وزوجها محمد

هذي المرثيه قالها والد ساره الهويمل فيها وفي زوجها محمد الهويمل واللذي كان يعمل في بنك الراجحي بالرويضة

حيث وافاهم الاجل بالامارت بعد اسبوع من زواجهما رحمهم الله

سارة وعقب افراقها والله ما احتال..
أصبر ولو ان كل من مات ماتي..
كانت هي الجنة وهي راحت البال..
وكانت هي اللي كل شي بحياتي..
وكانت تقول الوقت يابوي لوطال..
عنك يا ابوي القلب ماله غناتي..
وكانت تراعي خاطري بكل الاحوال..
من يوم اقوم الصبح لين المباتي..
تقول انا لك جد مع عم مع خال..
واغنيك عن الاولاد هم والبناتي..
لوسافرو بجلس معك كني ظلال..
بنتك وانا لك كني الخادماتي..
وكانت لي الدكتور وتتابع الحال..
تنظر مواعيدي مع مراجعاتي..
تقول انا بفديك بالحال والمال..
راحتك عندي غايتي وامنياتي..
وجاها العريس محمد ذرب الافعال..
دين وأدب مع طيبات الصفاتي..
ان جاء صعيبات المواقيف رجال..
ايحلها لاصارت معقداتي..
في مجلسه العود الازرق وفنجال..
وكرامتك لاجيته امفطحاتي..
وتم الزواج و غرد الطير موال..
خيالهم واسع مع الامنياتي..
فلة ويكسر صمتها صوت الاطفال..
وقت الاجازة كلها تمشياتي..
ويا ابوظبي فيك انتهت كل الامال..
وطفت شموع أفراحهم والحياتي..
وهاذي هي الدنيا نزول ورحال..
أحدن رحل واحدن مع الدرب ياتي..
باقي لهم ذكرى ولو الزمن طال..
وادعي لهم اثنا سجود الصلاتي..