رد: لماذا لانذكر اسماء البنات
 

شاكرة لكم حسن المرور ولاهنتي يالغالية

رد: لماذا لانذكر اسماء البنات
 

معليش همس الشفايف
يمكن تعليقي يصدمك شوي لانه من العيار الثقيل بس ماعليش تحملي شوي

بالنسبه لزوجات الرسول عليه الصلاة والسلام فهن امهات المؤمنين وأعتقد مافيه احد مايعرف اسم امه وبنات الرسول صلا الله عليه وسلم فهن زوجات الصحابه الكرام .
واين هذا من ذاك ؟

اما بالنسبه لشجره العائله مايحطون فيها الا اسامي الرياجيل لان الولد ينسب لبوه ولعائله ابوه يعني مافيه احد اسمه على اسم امه ولا قد قرينا اثبات احد مكتوب فيه فلان ولد فلانه ولاهوب تحقير للنسوان لاكن حفض للانساب مثل ماقال الرسول صلا الله عليه وسلم .

هاااه خلصنا من شجرت العائله

نجي لسالفه وراه مايعلم الواحد بسم اخته .
هو فيه رجال صاحي يسوالف بسوالف اخته عند الرياجيل
يازين وجهه وهو يقول مادريتو اختي فلانه وش سوت امس

بعدين البنت وش عرتها من جربها يومنها تبي الرياجيل يعرفون اسمها ؟؟؟؟؟؟؟؟؟

يعني بالعربي مافيه سبب يخلي الواحد يعلم بسم اهل بيته الا في الضروف الي تستاهل لان اسمها ماهوب عيب فما فيه مشكله اذا جيت عند رجال وقلت انا عندي المعامله او الموعد الفلاني لختي افلانه وابيت تشوفه او تتأكد منه
والبنت مثل الجوهره المصونه غاليه لان ماكل واحد يوصلها بس اذا كانت على كل لسان صارت شي غير نادر يعني شي رخيص .

من هي الي ترضى تكون شي رخييييص ؟؟؟؟؟؟

رد: لماذا لانذكر اسماء البنات
 

شاكرة لك مرورك العذب

وكلامك صحيح بس لما يجي الولد ويقول انا جبت اختي فلانه مافيها شيء
ليش تحس انه عيب ليش مايخزن الواحد اسم اخته او زوجته بجواله بإسمها الحقيقي ليش يحط رموز وام فلان وام علان وهي بالواقع قد لاتكون اماً لكي يناديها بأم؟


انت قلت زوجات وبنات الرسول صلى الله عليه وسلم نعرف جميعاً اسمائهم وهذا في عهد الرسول صلى الله عليه وسلم ولم ينكر الرسول ذالك
يعني الرسول مآآخفى اسماء زوجاته او بناته بالعكس كان يتكلم عنهم

بالعربي ليش مانستمر ونتجازو هالتفكير ونتبع الرسول
انا مآقولك تعال وقل اسم اختك بس مافيه مانع من ذكر اسمها
السؤال هنا ليش ينحرج الواحد من ذكر اسم اخته او زوجته او حتى امه؟؟


ولي عودة بإذن الله

رد: لماذا لانذكر اسماء البنات
 

اختي همس
زمنا غير زمن الرسول عليه الصلاه والسلام واذا كنا نبي نتبع الرسول فالاولى انا نتبعه في هذي وغيرها من الاوامر والنواهي يعني ماناخذ الي نبي ونتشدد فيه والي مانبي نقول الله غفور رحيم

اما ليش الواحد مايقول اسم اخته فهذا حاجز نفسي يحطه الرجال لغير المحارم مع العلم انهم يمكن يكونون يعرفون اسم اخته او امه بحكم الجيره او صله القرابه
فلو ان الواحد بدايتكلم ويجيب اسم اخته لمن هب ودب معناها انه كسر الحاجز النفسي الي كان يحس به الشخص الغريب
ولا تستنكرين انه ممكن يتجرا ويحاول انه يعرف اكثر من الاسم ...........

وسلاااااااااااا ااااااااااااامت ك

هذا وان زتم زدنااااا
:10:

رد: لماذا لانذكر اسماء البنات
 

انا ماقلت شيء زمنا غير عن زمن الرسول صح

بس زمن الرسول كان اكثر تشدد ومع ذالك هذا التشدد مامنع الرسول من ذكر اسماء بناته وزوجاته
وزمنا اكثر تفتح من زمن الرسول صلى الله عليه وسلم

العيب منا حنا نحس اننا بعصر الجاهليه


وشاكرة لك مناقشتك الراقيه


بإنتظار رأيك الكريم