يا بوي في صدري هواجيس و هموم يا بوي في صدري هواجيس و هموم واللي برك للحمل لازم يشيله قد لي أسبوع ماذقت عيوني النوم ياكود غفوة ذيب في كل ليله ادور الراحه عسى خير مقسوم وشلون صارت راحتي مستحيله يابوي وانت اسمك مقدر ومحشوم وإن تاهت اقدامي تراك الدليله تعبت وانا اقبل جباه وخشوم واجامل الي مانفعني حصيله صارت حياة الناس من يفرق السوم واللي مامعه فلوس ياعزتي له راحو أهل الناموس ذبحة الكوم وكثروا مزاودة الهرج القليله وزادوا هل النمات طرادة اللوم هذا تحكي فيه وهذا تحكي له وشفنا شيوخ الأسم من غير مرسوم أهل البشوت اللي كممها طويله لو انها بالسيف ومناطح القوم ومداحم الفرسان يوم الدبيله في ذمتي ان تشوف شجعان ورخوم وتشوف بعض الناس يومي شليله لكنها شيخة دنانير وختوم وشيخ الدرهم فوق شيخ القبيله وأنا اعرف ان الناس معطى ومرحوم واللي كتبه الله لعبد يجيله لكن مهما عاش لا بد له يوم يحط وسط الحفرة المستطيلة وأنا لأني بظالم ولأني بمظلوم لكن علي حمول بقعا ثقيله آجابة الدنيا ولاني بملزوم اطرد ورى برق سرى فالمخيله : ممأ رأق لي :nabd: |
رد: يا بوي في صدري هواجيس و هموم ماشالله ابداع والله يخلي لك ابوك |
رد: يا بوي في صدري هواجيس و هموم صح لسان قايلها وكاتبها |
رد: يا بوي في صدري هواجيس و هموم كنق اسم على مسمى قمة بالروعة |
رد: يا بوي في صدري هواجيس و هموم سعد السهلي :: امين .. وشاكر ومقدر تواجدك .لاخلا ولاعدم . ابواسيل :: صح بدنك .. ولاهنت على تواجدك العطر . سموالاحساس :هلا وغلا فيك .. شكرا ومقدر تواجدك وتقييمك يالغلا .. :nabd: |
الساعة الآن 10:54 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..