|
الحاره المظلومه او المظلمه ؟؟؟ السلام عليكم ورحمة الله وبركاته الحارة المظلومه او المظلمه او الحي المنسي في الدخل المحدود هي منطقه تكثر فيها الكلاب الضاله اعزكم الله وكذالك الضيف الجديد علينا وهي الحمير اكرمكم الله جميعا وتمتاز هذا المنطقه بالظلام الدامس وكثرة النامس. ويوجد فيها مسجد جديد طال انتضاره ولانعلم متى ستم الصلاه فيه ويمتاز هذا المسجد بكثرة الحفر ولايوجد اي طريق مسفلت يوصل اليه وكل الذين يسكنون حوله يلزمهم ان يكون معهم كشافات في مخابيهم لان الطريق للمسجد مظلم ولافيه الا الاشواك والحفر باختصار المسجد ينبغي ان يكون كل مايحيط به نظيف ويجعل الوصول اليه مريح ولايكون بهذه الحاله الغريبه ؟؟؟؟؟؟؟ وكذلك تمتاز هذه المنطقه بعدم وجود الهاتف الثابت وكل مانراجع شركة الاتصالات يقولوون مايمكم الاخير يجيبه الله !!!!!!!!!!! والغريب ان الحارة التي جوارنا يوجد بها هواتف ثابته ( عند استراحة المجد )ويوجد في نفس حارتنا عماره مثل الدانه للشقق بها هواتف فلماذا المنازل الجديده مالها نفس الخدمات هل هم يخافون انا مانسدد الفواتير والاماعندناا واسطه في الاتصالات ؟؟ تمتاز الحاره المظلومه بوجود حيوانات لاتضهر الا في اخر الليل وتعزف احلى الالحان بصوتها المزعج فالحمار يغني واذا سكت ردت الكلاب بلحن يجبرك تقوم من النوم وتسمع الطرب ( اعزكم الله جميعا ) اما انارة هذه الحاره فالحاره منوره بنور اهلها الي ساكنين فيها وكل ماراجعنا البلديه قالو الاسبوع الجاي بتنور الكلام هذا من سنه تقول انهم ماعبرونا ابد ويصرفونا بها الكلمه ؟؟؟ واخر حاجه وهي كثرت التقاطعات الخطره في طريق الدانه وحيث اننا نعاني من وجود تقاطعات تهدد حياتنا ولانعلم مالفائده من كونها بهذا الشكل من الاهمال والنسيان , واما الحفريات في شوارعنا اتوقع انا انها موضوع يصعب حله ابدا لانه من اختصاص بلديتنا العزيزه الحاره التي اتكلم عنها هي الحاره التي تقع شمال الجمعيه وشمال الدانه وكان يوجد بها جبل مكتوب عليه لااله الا الله محمد رسول الله وطفوها ؟؟؟؟؟؟؟؟ اتمنى من اخي العزيز محمد بن خنين ان ينقل معاناتنا لمن يجد عنده حل لها وان لايتركونا بهذه الحاله من الاهمال وعدم الاحترام لمطالبنا التي هي من حقوقنا على بلديتنا وان تراعي ان في هذي المنطقه نهضه في العمران وليست خاليه من السكان |
رد: الحاره المظلومه او المظلمه ؟؟؟ الراسي مساك الله بالخير والحارة يكفي نورك فيها طال عمرك يالبى قلبك انت ابشر بالخير مابطى بالسيل الاكبرة وان شاء الله مطالبكم راح توصل للبلديه وعن الهاتف الاسبوع الجاي اجازة انقز للرياض وبساعه وانت طالع بالامر معك وخلال ثلاثه ايام والشركه عندك اما بتراجع القويعية ولا الرويضة ردد يالليل ماطولك يالليل |
رد: الحاره المظلومه او المظلمه ؟؟؟ الحواري في الدخل واجد الي مظلومه كلها من راس البلديه نبي شباب يقومون بمضاهره ضد الرئس لانه نايم في العسل |
رد: الحاره المظلومه او المظلمه ؟؟؟ يعطيك الف عاافيه على الطرح الرائع وان شالله تتم جميع طلباتكم |
رد: الحاره المظلومه او المظلمه ؟؟؟ ياما في السجن مظاليم ورئس البلديه ماشفنا منه الا كل خير ومع التحيه والتقدير لسو الاحساس0 |
رد: الحاره المظلومه او المظلمه ؟؟؟ يعطيك العافيه |
رد: الحاره المظلومه او المظلمه ؟؟؟ لافتات ضد الرئس 1ـ حريه حريه حتى يصقط رئس البلديه 2ـ شعب الرويضه يريد الاهتمام بالديره 3ـ شيبان وشباب وامهات وفتيات يريدون الاطاحه بك لانك لم تنفذ الشروط الازمه منك 4ـ تكفون تكفون يعيال الديره خلونا ناخذ حقنا بيدنا 5ـ شعب الرويضه يريد اسقاط رئس البلديه 6ـ ليه ليه تداوم الساعه 11 ليه ليه ماهوب الساعه 8 7ـ تكفون تكفون يعيال الديره نبغى منكم الجديه |
رد: الحاره المظلومه او المظلمه ؟؟؟ انشالله تتحقق مطالبك يالراسي وراجعهم مره واثنين وثلاث وراجع الرياض القويعيه بس موب الحالك اطلع انت واثنين مثلك وشرواك وكل اسبوع يروح اثنين واذا شافو المراجعين واجد والاهتمام كبير ابشر بعزك... فروحه اسمحيلي بهذه المداخله : وين حنا عايشين مظاهره وما مظاهره حنا عايشين في دوله مطبقه الشرع والقانون ولها دستورها في الحكم اماالمظاهرات مهيب عندنا فيه حل احسن من المظاهرات وغيرها ... يكتبون اهل الديره لهم معروض ويوقعون كبار الديره بالاتفاق مع جميع اهل الديره ويؤدونه لوزارة الشئون البلديه وانا والله مابعد راجعت ريئس البلديه ولابعد قابلته ومابيني وبينه اي شي ولاكن هذا رد ومشاركه على موضوع والا والله ان راح ولا جاء ماهوب همنا والله يستر علينا وعليه... |
رد: الحاره المظلومه او المظلمه ؟؟؟ يالله المستعان البلديه ناااااايمه يكفيك تعاملهم معك معاناه اسالوني عنهم ومعاملتي ما تستاهل المعاناه |
رد: الحاره المظلومه او المظلمه ؟؟؟ يا سعد في الرويضه قانون يسمى اخدمني اخدمك قدملي شي اقدملك شي بعدين نبغا رئس مثل الرئس السابق اليابس الله يذكره بالخير فيه ناس يندعالهم وناس يندعى عليهم وياالبرق ياما في السجن مضاليم وضالمين بعدين مزانيه الدوله كل سنه وين تروح |
رد: الحاره المظلومه او المظلمه ؟؟؟ مساء الخيرات عمركم سمعتوا في ماده الرياضيات معـــــادله لا حل لهـــــــــــــ ـــــــــــــــ ا هذه انطبقت على مطالبــــــــــ ـــــــــــــنا كمواطنيــــــــ ـــــــــــــــ ـــــــــن في مدينه الرويضه بالذات اشكر صاحب الموضوع |
رد: الحاره المظلومه او المظلمه ؟؟؟ اشكركم جميعا على تفاعلكم ومرروركم وانا ابي افهم حاجه وهي اي مشروع جديد تنفذه البلديه هل يكون مشروع مدروس ومقصود به مصلحة المدينه ونهضتها , ام انه يقصد به مصالح شخصيه ؟؟؟؟ !!!!! . اقصد مثلا السوق الي غرب شركة الكهرباء في هذا الموقع بالذات يعتبر واجهه للرويضة يراها الجميع , لايكون الغلط من المقاول هو الي قلب والسوق وخلاه بهالصوره ويشهد اني لااقصد بهذا الكلام الاساءه لشخص معين وختاما اتمنى ان لانشتم او نذكر شخص معين من اخواننا منسوبي البلديه وكلهم فيهم الخير والبركه وهم يعلمون اننا نتكلم من دافع محبه وغيره لديرتنا واذا كان هناك نقد فهو على خدمات البلدية التي قصرت فيها ولايكون نقدنا لموضف معين . |
رد: الحاره المظلومه او المظلمه ؟؟؟ اقتباس:
|
رد: الحاره المظلومه او المظلمه ؟؟؟ الله يعينهم والله حاسه فيكم |
رد: الحاره المظلومه او المظلمه ؟؟؟ الراسي كلامك في متمه كلنا فالهوا سوا حنا في مقطعه تحياتي |
رد: الحاره المظلومه او المظلمه ؟؟؟ اتفق معع كلام اخوي سعد ! شـكــ وبارك الله فيك ـــرا لك ... لك مني أجمل تحية . |
رد: الحاره المظلومه او المظلمه ؟؟؟ ههههههههههههههه ههههههههه هالي تبي مظاهره من اولها صارت محظوره بعدين كل شي صار بمظاهره انتم تعرفون وش معنى مظاهره يعني خرووج على ولي الامر ., الله يهديك بس المظاهره يقوم فيها الي مالقى ياكل او مالقى امن او يؤخذ حقه وهو يطالع مايقدر شي حنا بأمن وأمان وخير ورغد وش نبي بعد ..؟ بعدين بالنسبه لرئيس البلديه ماقدم شي لرويضه بوجهه نظري المتواضعه ولا ادري وش قاعد يسوي هو اصلا يداوم ؟ اجي الساعه 10 ويقولون مابعد داوم !! الله يهديه بس وبالنسبه للتقاطعات الي على طريق الدانه صح خطيره بس مو معقوله بكل تقاطع اشاره ؟ يعطيكم العافيه ولا هنتوا تقبلوا مروري |
رد: الحاره المظلومه او المظلمه ؟؟؟ اسمحولي الاشارات في الشارع العام يقطعها الكبير قبل الصغير فلا بالكم في طريق الدانه والله ماحد يوقف ابد مالهم الا المطبات الصناعيه |
رد: الحاره المظلومه او المظلمه ؟؟؟ ^^^^^ شكلي انا الوحيد الي أوقف بأشارة الدخل ويالله من مطباتكم ما تنشاف ما خليت مطب الا وكليته المساعدات تفقعت |
رد: الحاره المظلومه او المظلمه ؟؟؟ انا ائيد فروحه لكن اين الناس الي تظهر الكل نايم وينكم ياشباب تكفون نبي الهمه الهمه ياما حنى ولاالرئيس الفاشل |
رد: الحاره المظلومه او المظلمه ؟؟؟ اقووووووووووووو ووووووووول ياحسافه على الانتخااااااااا ااااااااااااااا اابات وبس ووقفة الضعوووووف في الشموووووس |
رد: الحاره المظلومه او المظلمه ؟؟؟ ياعزتي لك يالراسي على ما قال سمووووووووووووو ردد ياليييييييييييي ييييييييييييييي ييييييييييييييي ييييييييييييييي ييييييييييييييي ييييييييييييييي ييييييييييييييي ييييل ماطولك بقوة بعد .... |
| الساعة الآن 04:55 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..