|
مرثية الشيخ / سيف بن عبدالله بن سعيدة هذه القصيدة للشاعر / محمد بن علي بن شامان السيف مرثية في الشيخ / سيف بن عبدالله بن سعيدة السيف .. الذي وافته المنيه نهار الجمعة تاريخ :2/4/1433هـ أسكنه الله فسيح جناته ,,, مرحوم يا شيخ(ن) تساوابه الطين *** أقولها وأبدا النباء بالسلامي نهار جمعة دون الفكر تدوين *** تاريخ هز القلب وأرخى العظامي ثنين أربعة هجري ثلاث وثلاثين *** حزت رحيل اللي عليه الكلامي ياسيف يامنصاء الرجال العزيزين *** من بعد سيف بيبطي الجرح دامي راع الكرم والطيب والعرف والدين *** وراع الوفاء يوم الوفاء للكرامي من عادته ماهو يعقد الحجاجين *** لو كان منطوقة على الفعل حامي مالوم دمع(ن) فاض من محجر العين *** الله يلوم اللي نوى بالملامي يالله عسى قبره يجي وسط روضين *** روضن نفل والروض الآخر خزامي وأخذ العوض لو أن بعض العوض شين *** أخوان سيف أعدهم باحترامي علي رفيق اليسر والعسر واللين *** عز الخوي لا جاء نهار الزحامي ومحمد اللي لا آحتما الموقف يبين *** قدره رفيع(ن) في علو السنامي ماهي خلاصه فعلهم قول بيتين *** لاكن نبات القاف جاه الصرامي فعولهم ما تنحصر بالدواوين *** والمدح فاللي يستحقه مرامي شعر الرثاء ذلحين ماهوب بعدين *** شعر الرثاء للي له الفعل سامي صلو على خير الرجال المسمين *** محمد(ن) خير الرسل والاسامي |
رد: مرثية الشيخ / سيف بن عبدالله بن سعيدة شـكــ وبارك الله فيك ـــرا لك ... لك مني أجمل تحية . ماشالله القصيدة طيبة وفي طيبين الله يرحم الميت ويسكنة فسيح جناتة وجميع موتى المسلمين ويديم العز للحيين |
رد: مرثية الشيخ / سيف بن عبدالله بن سعيدة محمد بيض الله وجهك على النقل وصح لسان الشاعر محمد ابن شامان ورحم الله الفقيد سيف واسكنه الله فسيح جناته |
رد: مرثية الشيخ / سيف بن عبدالله بن سعيدة الله يرحم سيف ويسكنه فسيح جناته وصح لسان الشاعر محمد بن شامان ’’’ ونبارك لك بالتسجيل في منتداك ومنتدانا منتدى الجميع اخوي محمد ... |
رد: مرثية الشيخ / سيف بن عبدالله بن سعيدة قصيده جزله ياولد العم صح لسانك والله يرحم ابو عبدالله ويستاهل اكثر من قصيده ماقصرت بيض الله وجهك |
| الساعة الآن 04:20 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..