|
مــــن المــســؤل ياشباب الرويضه تكفون تكفون لا تصيرون ضعيفين نبغاء البلديه تتهم بالشوارع 1] التقاطعات تحتاج الى ازفلت 2] المطبات الصناعيه يشاف لها حل الحل هويصبغونها ببويه ويكون لون البويه ابيض او اصفر من المفروض ان البلديه هي الي تبت في الامر لكن نايمين في العسل ليش لانهم ماهوب ساكنين فيها مهملينها |
رد: مــــن المــســؤل موضوع في غاية الاهمية واهنئك على التطرق له نعم هناك اهمال وسوف يستمر ويستمر التقاطعات والمطبا ت اولا التقاطعات: وضعها خاطي جميع التقاطعات مقدم طلب لتعديلها على المرور والبلدية والمطالبة قبل التقاطع ب 50 متر من جميع الجهات يزال الشجر ويتم تعديل الرصيف بيجاد حارة جديدة مكان الرصيف لمن يريد الانعطاف يسار عند التقاطع وسوف ترى النور قريبا انشالله بمتابعة من ابناء الرويضة وتم توثيق التقرير المقدم صور للتقاطعات من المدن الرئيسية ثانيا : المطبات بصراحة تم وضعها بشكل عشوائي بحت وبعضها وضع حسب رغبات شخصية وليس وفق دراسة ولا بقرار لجنة المطبات لها موصفات معينة المفروض عند التنفيذ يتابع المنفذ ويوضح له طريقة التنفيذ والشي الاهم آماكن المطبات توضع حسب معايير وبقرار من لجنة مكونة من المرور والبلدية ومجلس الاهالي ويتم تحديدها ثم تدرس من قبل المرور وبعد ها تقر اللجنة التنفيذ من عدمة فحسب علمي يوجد لها استبيان بعشر نقاط يقوم بتعبئها كل عضو من اللجنة وعلية يتم الاقرار ... الله المستعان لو ما عندنا الا المطبات كان بالف خير ولكن للاسف بالرويضة كل شي ماشي بالعكس اشكر لك التطرق للموضوع وتقبلي مروري بموضوعك وردي المختصر |
رد: مــــن المــســؤل .,’ كلامك صحيح .. اغلب المطبات ناكلها بدون مانعرفها , |
رد: مــــن المــســؤل من ناحيه الحفر شي يقهر وموجود حتى في مدن غير الرويضه اجل مشروع توه مخلص وهاضم والى الان ماصلحوه الشارع الي يطلع من السوق ويتجه لمخابز المملكه ولا المطاب الي عند مدخل الرويضه من اتجاه عروى قبل كبري قمعه ترج الموتر رج الله لايوفق الي حطها انا ماني ضد المطاب لاكن توضع بشكل مناسب للناس ولا الي عند نهايه الشارع الي متجه الى زعابه جنب مدرسه البنات مطبين لاصقات في بعض ولافيه بويه ولا عيون قطط والتقاطعات مثل ماتفضل الاخ محمد ابن خنين مايشوف الواحد السياره الي جايه خصوصا الي فالدخل لاكن ماقول الى حسبي الله ونعم الوكيل والحمدلله اني ماني مقاول كم نفس راحت بسبب اهمال وسرقه متعمده ولاحد يدافع على شي واضح |
رد: مــــن المــســؤل اختي فروحه رددي يالــــــيـــــ ـــــــل مــــــطـــــــ ـــولك |
رد: مــــن المــســؤل موضوع رائع لاكن خاطري سؤال واحد المطاب الي راصينها بجنب بعض الي بالدخل ليش عند تقاطع فهمنا وحده وتكفي اما يصفون ثلاث ومدري كم ؟؟ والشوارع محفره والسياره لا مشت تقول ترقص سامري .. هذا شكله يبي يخلص شغله وبس مايهمه صح ولا لا وبضمير ولا بدون ولاكن والله يكون بعون الي شاري له سياره جديده لا عزت الله راحت فيها |
رد: مــــن المــســؤل يعطيك الف عافية http://www.alkhalid.ws/vb/images/smilies/004.gif |
رد: مــــن المــســؤل اشكرك فروووحه على اهتمامك وحنا لو في يدينا شي كان سويناه من زمان تقبلي مروري |
رد: مــــن المــســؤل ليش مابيدينكم شي الا بيدنكم انتم تستطيعون التغير بس كل واحد يقول نفسي نفسي احد راح وطلب منهم لا |
رد: مــــن المــســؤل لاوالله ماحد طالب الصدق ينقال لكن لما انك تروح وترجع بدون فائده او احد الموظفين غثك بكلمه ماتسوى عليك واشكرك مره ثانيه على اهتمامك... |
رد: مــــن المــســؤل احد قال رح ياخوي لا تروح كلم احد السهول الي يشتغل في البلديه الواحد يحب الخير له لنفسه ولغيره |
رد: مــــن المــســؤل بصراحه , الواحد اذا بغى يروح مشوار صار يخطط ويفكر وين بيروح معه عشان يتجنب المطبات |
رد: مــــن المــســؤل يابنت الحلال .. ليتها وقفت عند المطاب بس !! ، انا .. ماعتبر اللي حاطينها بالدخل مطاب .. مع اني ماجي الدخل الا قليل .. لكن .. صراحه سيارتي .. كلفتني اكثر من 1500 عشان المطاب اللي عند القصر !! ضربتها وانا امشي يمكن 70 وخربت وجهية السياره من تحت .. ، انا ودي امسك اللي حط هالمطاب .. وبعرف هو صاحي ولا مهب صاحي ؟ ياناس الموتر اصلا مايقدر يمر من فوق المطب ! خاصه المطاب اللي من الجهه الشماليه من الدخل ! ، بعدين مع احترامي للي يقول نطالب عند البلديه .. ! البلديه كلهم من سكان الدخل .. ! وعارفين المطاب مطبه مطبه ؟ بس تقل مايشوفون ؟ ! والمدير .. لو تقوله اي شي " يصير خير .. إن شاءالله " ! ؟ طيب وبعدين ، والله يافروحه فيك الخير .. دُمتي |
رد: مــــن المــســؤل مافي الييييد حيله وش نسوي لاحياه لمن تناي ! شـكــ وبارك الله فيك ـــرا لك ... لك مني أجمل تحية . |
| الساعة الآن 12:54 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..