|
احلامنا متى تتحقق ؟ السلام عليكم ورحمة الله وبركاته آولآ انا ما اعرف فن المقدمات ! يعني بدخل طوالي بالموضوع لمتى والرويضه والمناطق اللى حولها تعاني من نقص الخدمات والمرافق من المسؤل ؟ نفسي في يوم اشوف الرويضه مثل الديار الثانيه !! لاعندنا كليات ولا دورات ولا حدايق ومطاعم زي العالم ! ليش عاد لاهوب من صغر الرويضه والمشكله انها احد المدن المهمه على الخط السريع وهذا حالها ! بنحط اقرب مثال لكنا القويعيه والدوادمي جميع الخدمات متوفره عندهم وانتم لا بالله ماتحسون بالنقص يا اهل الرويضه ! عندي مشاريع وافكار لتطوير للرويضه طبعا هالمشاريع افكاري وافكار اللى حولي الان نبدا 1 \ فتح كليات للبنات والعيال ويكون بكالوريس فقط واقسام علميه موب شرط مبنى مجهز اى عماره او مدرسه من قل عماير الدخل http://www.rwwwr.com/vb/images/icons/icon10.gif نفس القويعيه مدرسه صارت كليه و3 عماير كليات وحده للبنات http://www.rwwwr.com/vb/images/icons/icon10.gif 2\ اشارة الدخل اللى عندي الرومانسيه مال امها داعي تنشال ويجي بدالها دوار 3\ تعديل خط عروى باسرع وقت ويتم تشجيره ويمقن نحط دوار على مدخل الرويضه http://www.rwwwr.com/vb/images/icons/icon10.gif 4\ عماير الشارع العام كئيبه وموحشه ! اعادة صبغها بالوان حلوه ومنعشه مثل الاصفر والوردي السماوي وكذا وتكون تحت اشراف البلديه مايجون لونين جنب بعض مثل اصفر سماوي وردي وهكذا 5\ صبغ السوق القديم 6 \ ترصيف وتشجير الحاره اللى عند الوادي لكبري الشرطه 7\ الساحه اللى شمال المول بتكون سلسلة مطاعم مشهوره هرفي كودو الخ مع كوفي شوبات راقيه http://www.rwwwr.com/vb/images/icons/icon10.gif 8 \ تخطيط وانارة الارض اللى ورا الوحر 9\ الخزان يتم صبغه واضافة لمسات جماليه عليه 10 \ وضع مزروع جديد ومرتب وحلو ويكون فيه ملاعب وممشي ويكون للعوائل والشباب من الخزان لين يتصل بالمزروع القديم بالدخل نفس القويعيه مزروع من الكبري للكبري !! ماشاء الله عليهم 11\ وضع لوحات ارشاديه لمعالم الرويضه وسوق الخميس 12\ مباني جديده للدفاع والبلديه والكهرب والشرطه والمرور والهيئه لمتى وهم في مبانيهم القديمه والمستاجره 13 \ وضع مجسمات جماليه وتطوير الدوار اللى حول المدرسه الاهليه 14\ انارة جميع المخططات في الرويضه 15\ لوحه ترحيبيه واخرى وداعيه توضع في الخط السريع يعني اهلا بكم في الرويضه ورافقتكم السلامه 16\ تعديل الشوارع المكسره والمحفره وبس وهذا اللى عندنا اللحين واللى طلع معنا وان شاء الله نشوف احلامنا تتحقق والحلم الاكبر ان تكون الرويضه محافظه مع ضم القرى اللى حولها واللى عنده احلام يضيفها يمكن احد من هالمسؤلين يتحرك بدل لهط الدراهم على الفاضي !! |
رد: احلامنا متى تتحقق ؟ ردد ياااااليل .........احلامك حلوه ومعقوله بس مهنا احد . (أحلام سعييييده ) |
رد: احلامنا متى تتحقق ؟ 7\ الساحه اللى شمال المول بتكون سلسلة مطاعم مشهوره هرفي كودو الخ مع كوفي شوبات راقيه http://www.rwwwr.com/vb/images/icons/icon10.gif اشكرك على حرصك واهتمامك وان شاء الله ربك كريم |
رد: احلامنا متى تتحقق ؟ اقتباس:
اشكرك من صميم قلبي وامل الا تكون الكتابة الاولى والاخيره نورنا بجديدك واجابي حسب وجهة نظري الشخصية المتواضعة والسريعة تقبل ودي هناك تحفظ على مواضيع كثيره ومشاريع مازالت الي الان ولا نستطيع التطرق لها ... اذا حاب تعرف زيادة اتواصل معك على الخاص |
رد: احلامنا متى تتحقق ؟ ماشالله عليك شكلك تجمع لك شهر يسلموو على الموضوع وانقول انشالله ولا نئياس |
رد: احلامنا متى تتحقق ؟ محمد بن خنين حياك الله يا بندر بس لي طلب بسيط ابن الديرة من المفترض طال عمرك يحط ايدها مع باقي ابناء الديرة ليتحقق المراد والمطلب الا وهو التطور المنشودمشكور على التوضيح وان شاء الله تتحقق مطالبكم ومهما كان كلنا عيال الديره وماراح تفرقنا قبيله ولا منطقه كفيت ووفيت يالغالي \ والف شكر لجميع من رد (: مره آخر اهلا بك بين اهلك واخوانك ومثل ما قلت اهل الديرة ضروري يتضامنو وما تفرقهم قبيله ... عني انا اتمنى السيارة الي تتحرك للمطالبة للديرة تحمل من كل قبيلة فرد وهذا اقو من واقع تجربة عند المسئول . ياله ... دعوه لحمله قوية من جميع طوائف وقبائل ومختلف الاعمار للمطالبة بنواقص الرويضة ولنبدا ءمن المركز او من البلدية وبعدها الوصول للوزير او الامير ... نبي تصويت واستفتاء لهذا الموضع نسمع من الاعضاء ...وياليت الدعم الفني يسمح للزائر بالتصويت والاستفتاء بدون ما يضطر للتسجيل ولو في هذا الموضوع فقط فلنبداء بالتصويت من اعضاء المنتدى ومن ثم من الزوار |
رد: احلامنا متى تتحقق ؟ كلامك في متمه .. اتفق معك .. أوويدك موضوعك |
رد: احلامنا متى تتحقق ؟ الله يذكرك بالخير يا بن يابس ، وظف ميازنية البلدية في محلها الصحيح، من المعروف ان جميع البلديات لها ميزانية ثابتة قابلة للزيادة ، ولكن لا اعلم لما لا تصرف هذه الميزانية في محلها الصحيح ؟ أين الخلل؟ |
رد: احلامنا متى تتحقق ؟ السلام عليكم ورحمة الله وبركاته ودي يتحقق يلبه الرويضه وكذلك المحدود \ \\ |
رد: احلامنا متى تتحقق ؟ خلهااا على الله بس كلها ايام ونودع الرويـضه ! |
رد: احلامنا متى تتحقق ؟ خخخخخخخخخخخخخخخ البلديه اهم شي النافوره تشتغل ساعه ثم يطفونها على شان المويه ما تخلص ههههههه |
رد: احلامنا متى تتحقق ؟ من بوك الى باب السماء مشكور على الحرص |
| الساعة الآن 10:43 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..