مجالس الرويضة لكل العرب - عشره سنين طويله ...

عشرة سنين طويلة روحت في ظرف ساعه

يا خسارة عشرتي ضاعت مـع راع الرديـه

ويش عذرك يوم ضيعت الوصيـة والوداعـه

الله اكبر كيف نفسك صارت لظلمـي جريئـه

باع ودي يا أهل الفزعـات والنامـوس باعـه

باعنـي مثـل الـردي اللـي نـوى بيعـة خـويـه

مـا قويـت أقـاوم دموعـي ولا عنـدي مناعـه

صارت دموعي على خدي مثل وبل الرزيه

ويش أسوي بالعشير اللـي خذلنـي ياجماعـه

ذلنـي مـن عقـب مـا مـديـت لــه كــف نـديـه

اندفـعـت وليتـنـي رديــت قـلـبـي وانـدفـاعـه

كـان مـا شفـت المهونـة والتمـادي والخطيـه

مثّـل الـدور الـدرامـي واجتـهـد فـيـه بـراعـه

أنتج الفيلم الخرافـي وأعلـن اسـم المسرحيـه

ضاق في عيني فضاها عقب كبره واتساعـه

وانكتب لي حـزن ثانـي قابـل الحسنـه بسيـه

مـا اشتـكـى للـنـاس لله رأس مـالـي القنـاعـه

اشـتـكـي لله رب الــكــون خــــلاق الـبـريــه

ما بقالي في حياتي غير صبـري والشجاعـه

اصبر لمـا صـار وعزومـي بعـون الله قويـه
مما راق لي