|
حضر التجول فالرويضه السلام عليكم ورحمة الله وبركاته نظام من المرور والشرطه غريب ولا قد شفته الى فالرويضه طلعت من البيت ومريت طريق الدانه بطلع للشرميه وقفني عسكري طلب الرخصه والاستمار اعطيته قال وقف انت مخالف؟؟؟؟؟ وقال بعطيك قسيمه لانك تجول!!!! وانا ماخذت ولا لفه مستعجل حتى سيارتي ماهي كفو تفحيط ولا اي شي ولاغيمت واموري كلها سليمه ولو الوقت متاخر يمكن مع انه ماله حق نظام غريب مادري هو من باب تسلط او ان الشوارع فيها ذهب وحنا ماندري |
رد: حضر التجول فالرويضه ههههههه نظام ممسى واهدى حركة حضر التجول سمعت عنها من مبطي في الرويضه واستغربت صراحه بس اكيد ماسوو كذا الا من سبب المهم عسى ماعطوك مخالفه بس |
رد: حضر التجول فالرويضه ههههههههه يرجال فاضين مغير ازعجو ام العالم بسفاتيهم اخر الليل والله شغلت طقطقه قبل امس واحد معطيني مخالفه قسم ماله حق فيها بس يبيك تتطلبه وتسوي لي معها هياط ومعرفه المشكله يسجلها ويقول كووووم تاريخ اليوم << انا العسكري ولا انت يالدرج لاهنت يالشامخ .. ولايهمك اي احد واثق الخطوه يمشي ملك .. |
رد: حضر التجول فالرويضه وعليكم السلام ورحمة الله وبركاته اخي ما يقدر يعطيك مخالفه باسم مخالف حضر التجول لاكن يمكن يدور اي مخالفه اخرى يبرد كبده بها |
رد: حضر التجول فالرويضه ربي يعينك ولاكن اذا انت مادرة بالشارع ولا دورة مايقدر يعطيك مخالفة لاول مرة وتقدر ترفظ وتطلب التكميل معه عند ضابط خفر المستلم |
رد: حضر التجول فالرويضه الله يعينا ويعينك الحين الي يدور الليل مع النهار مايقولون له شي وماهو من اهل الديره وماهو واحد ولااثنين والكل ممكن انه يعرفهم مايقولون لهم شي ولا يرجعون الا على الي ملتزم ولاهو مخالف الله يصبرنا بس... |
رد: حضر التجول فالرويضه لا الحمدلله ماعطاني مخالفه بس سحب فيني شوي وشاف اني غلبته قال خلاص واتوقع انه مافيه قسيمه بالاسم هاذا مجرد تسلط مثل ماقال الاخ كنق الفياض يبي احد يقوله تكفى ههههههههههه بس يعني حاجه تقهر كل ماتدخل الرويضه تبي السريع او داخل من السريع لبيتك يصير لك تحقيق اكثر شي استغربته عسكري وقفني طلب اثباتي والاستماره قرا اسمي ثم قال وش جايبك من ديرتك للرويضه ؟؟؟؟؟ صار فيها ديرتك وديرتي !!!!((الله يعز الاسلام ثم ابن سعود)) الله يعين بس ويكفينا شر الظلم وقهر الرجال واشكر كل من نور موضوعي بالرد |
رد: حضر التجول فالرويضه بعض هؤلاء العسكر المفروض وعاجلا تشتكيه على سمو الامير محمد بن نايف ببرقية عاجلة على البرقيات الهاتفية لأن (بعض) العسكر جهلة وفيهم بلاء و يسيئون للحكومة بتعاملهم الخطير مع المواطن وهناك من يرأى ان بعضهم يريدون المواطن يكره الحكومة اعزها الله بالاسلام، وهذا شفته وأشهد الله على ذلك اشوف بعضهم يتسلط على اللي في حاله وقد تكون معه عائلته وليس عليه مخالفة، ويترك المفحط وسارق السيارة ويتعامى عنه ولو أن كل من حصل له موقف ابرق لولاة الامر ببرقية هاتفية لاتكلف الا خمسة ريالات لوضع حل لهؤلاء الذي يسيئون لجهاز الامن في المملكة من بعض المنتسبين له، وهم معروفون تحركهم افاق ضيقة وعنصرية قبلية والعياذ بالله يعيشون على كوكب آخر الله لايوليهم على مسلم |
رد: حضر التجول فالرويضه ليتهم يوقفون اللي يخالفون لأن الشخص النظامي يوقفون له دائم تسلط عندهم |
رد: حضر التجول فالرويضه سعود ابن عبدالله ,, غالي الاثمان شكرا على الرد |
رد: حضر التجول فالرويضه الاسبوع الي راح ماسكني المرور ويقول بعطيك مخالفه رخصه ماشاف الا انا العالم كلها مامعهم رخص ! ويمرون عليه ناس قاصين اللوحه ولا يقولهم شي !! |
رد: حضر التجول فالرويضه شوف يا اخوان التجول في الطرقات وفي آخر اليل وبدون حاجه مو لازم اجلس في مكان وبعيده عن الاماكن التي فيها موطن شبه وصدقني محد يقولك شي لو تومت مكانك محد دري عنك .. وحترام رجال الامن واجب علينا مهما كان ولخطاء محد معصوم منه . انا اعاني من تفحيط الشباب وهجولتهم في الشارع صياح وسيارات لاعبين في حسبتها تعطي ااصوات الله المستعان .... اذو الناس كم من احد دعاء عليهم لواجب علينا التعاون فيما بيننا والدعاء لهم بالصلاح والهدايه قبل كل شي . ((اللهم يا عزيز يا جباريا قهار إحفظ شبابنا من كل شر اللهم إهدي شبابنا و شباب المسلمين إلى طريق المستقيم )) |
رد: حضر التجول فالرويضه انا اتمنى شيئين اثنين!! 1.دورات تثقيفية للعسكرنا بكيفية التعامل مع العامه بأسلوب حضاري. 2. خضوع كل عسكري لفحوصات الدم دورية، وذلك للتأكد من سلامته من تعاطي الممنوعات. كذلك نرتقي. |
رد: حضر التجول فالرويضه انا اؤيد كلامك يا اخmoha1407 وبشده لان بعضهم ماعنده تعامل حضاري صراحه وشي طبيعي فاقد الشي لايعطيه ومن ناحيه المخدرات والله ماودي اتكلم الله يستر على الجميع ونا ما اعم على كل الافراد صراحه فيه عسكر محترمين |
رد: حضر التجول فالرويضه وش مدريكم يمكن العسكري يبي لفق قسيه على واحد عشان يمشي خويه لنه مبلغ على خويه ويوم عرف انه خويه وهو مسوي البلاغ ما يقدر الا انه يلف البلاغ على واحد ثاني وكان الله غفورا رحيما |
| الساعة الآن 10:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..