|
بوفيهات الرويضه وغياب المراقب البلدي (دعوه للنقاش ) السلام عليكم ورحمة الله وبركاته احب اتكلم عن موضوع مهم جدا جدا جدا اللي هو الاهتمام بالنظافه في جميع بوفيهات الرويضه جميع البوفيهات في الرويضه تفتقد لـ الرقابه من البلديه مثل الظوابط اللي لابد على العامل الالتزام بها مايلتزم اظرب مثال .. * -- لبس القفازات اثناء اعداد الساندويتش للزبون .. ما يلبس *-- غطاء الراس مافيه .. يمكن قمله تطيح من راسه على الفطور .. مايلبس *-- كمام .. خبركم اذا يقطع بصل او فلفل لزوم العطسه ...كمان مايلبس الصحه مهمه يا اخوان .. الهندي مايهمه الزبون .. اصبعه على طول في خشمه او يحك راسه وعلى طول في السندويتش ويقدمها للزبون .. والله يعين على الماغص انا افطر في مدن خارج الرويضه اشوف المطاعم تتقيد بالانظمه من البلديه حتى في كل مطعم رقم خاص للبلديه الشكوى والملاحظات ومثل كذا ابي افهم المراقب البلدي وش دوره ؟؟؟؟ يشرب شاهي ويسولف !!!!!! المفروض يسوي جوله انتظر مشاركاتكم في الموضوع المهم لشباب الرويضه المغلوب على امره |
رد: بوفيهات الرويضه وغياب المراقب البلدي (دعوه للنقاش ) اقتباس:
الله يرحم ايام زمان كان لمراقب البلدية هيبة عند المطاعم و البوفيات و البقالات و حتى الحلاقين لكن الظاهر ان الوضع تغير او المراقب تغير !!! |
رد: بوفيهات الرويضه وغياب المراقب البلدي (دعوه للنقاش ) أخوي المارد الازرق الموضوع في غاية الاهميه ولابد يشاف له حل وين الرقابه وين دور المجلس البلدي في ذالك أجل تجد عمال البوفيات في قمة الوساخه ولا يلبسون قفازات ولا كمامات ويوجد بوفيه في قمة الوساخه وأنتبهو منها وهي بوفية الماضي اللي بجانب مفروشات المسفر والعامل الذي يعمل فيها يكلم الزبون بنفس شينه وكنه يباشر على الزبون من حسابه الخاص ؟؟ أرجو من الجهات المعنيه متابعة البوفيات والمراقبه عليهم وتطبيق أشد العقوبه عليهم جزاءً لهم وردعاً لأمثالهم ,,, هذا ماحببت أطرحه لكم وأترك التعليق لأخواني الأعضاء ودمتم بخير ,,, |
رد: بوفيهات الرويضه وغياب المراقب البلدي (دعوه للنقاش ) |
رد: بوفيهات الرويضه وغياب المراقب البلدي (دعوه للنقاش ) السلام عليكم ... ليس تهرب من المسؤلية ولكن البلدية لها جولات على البوفيهات والمطاعم والبقالات والمخابز والاسبوع الي فات عنهم جوله جماعية ٤ مراقبين غرمون اكثر المحلات والمطاعم واحد منهم غرامتة ٣٥٠٠ ريال انا ولاخ عبد الرحمن وهق قمنا بزيارة لاخونا ناصر القحطاني وجدنا عندهم قسايم غرمات ما كنا نتوقعها بعضها ب ٥٠٠٠ ريال نحسب انهم قايمين بدورهم وحسيبهم الله لا نزكيهم وما يمنع من المتابعة فا مراقب البلدية بدون المواطن لن يحقق الهدف المنشود الا بتضافر الجهود هو علية الغرمات والمواطن يبلغ عنما يراه واعضاء المجلس كلهم ما راح يقصرون في المتابعة |
رد: بوفيهات الرويضه وغياب المراقب البلدي (دعوه للنقاش ) بسم الله الرحمن الرحيم اذا اردة ان تطاع فأمر بما يستطاع قفازات +كمام +طاقيه = ممرض وليس عامل قفاز ممكن لكن الباقي صعبه البلدية ما تقصر ولكن لابد من احد يشتكي لهم ويوثق الشكوه بتصوير او شهود حتى يقومو بالمراقبه او المخالفة للمحل مثلاُ = عندنا في مكه موقع للبلدية وقسم للشكاوي والله يتجاوبون في نفس اليوم ويتصلون على صاحب الشكوه ويتحققون من الموضوع وعنوان المحل خاصه انه سوف تكون هناك غرامه على المحل المخالف وهذا حافز للموظف هذا والله الموفق |
رد: بوفيهات الرويضه وغياب المراقب البلدي (دعوه للنقاش ) الشكر كل الشكر لجميع الاعضاء المطلعين على الموضوع الله يعافيكم .. |
رد: بوفيهات الرويضه وغياب المراقب البلدي (دعوه للنقاش ) اقتباس:
جولتكم على عيني وراسي .. لكن العمال ماخذين راحتهم وماجابوا خبر للغرامه .. وماشين على نظامهم المخالف بكل ثقه مداخله طيبه |
رد: بوفيهات الرويضه وغياب المراقب البلدي (دعوه للنقاش ) اقتباس:
ابو اسيل / انا شخصيا افضل اللي يلبسهن العامل وليس الممرض لان الممرض نظيف ومرتب وكل شوي يغسل يده مش زي الهندي الله يحوم كبده من ناحية صندوق الشكاوي لو يحطون صندوق ويمتلي اوراق شكاوي بيحول الحول محد قراهن لان اللي يجيه غرامه ومضبط له موظف في البلديه يمسحها له |
رد: بوفيهات الرويضه وغياب المراقب البلدي (دعوه للنقاش ) اقتباس:
|
رد: بوفيهات الرويضه وغياب المراقب البلدي (دعوه للنقاش ) لاهنت اخوي على الموضوع الرائع... اخوي ابو اسيل لو يكون ممرض وشغله بيزين ماعليه والله ياريحة العمل تسد النفس والدخان يدخن ويدخل يزين لك الي تبي ومفسه كله دخان الله يكفينا شرهم بس |
رد: بوفيهات الرويضه وغياب المراقب البلدي (دعوه للنقاش ) اقتباس:
|
رد: بوفيهات الرويضه وغياب المراقب البلدي (دعوه للنقاش ) النظافة في بوفيهات الرويضة سيئة |
| الساعة الآن 05:04 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..