تْبَّـعِـد عــن وِصـالـي والمـواصـل خـاتـم ٍ بـايْـــدك

من اللي قَال مَال الشِّعر وقفـة لاجـل تنهيـدك؟! من اللي قَال تنهيدك قصيـدة شعـر مـا تُكتـب ؟! أنـا مانـي علـى قيـد الحَيَـاة اللـي علـى قـيـدك أنـا قيـدي حَيَـاة ٍ لا اسْتَرحـت ابْهَـا بديـت أتْعَـب! مواعِيـد الوصـل فـي يْديـك يامَـا أكـذب مواعِيـدك وأنا لو إنـي أفهـم بعـض كِذبك..قلـت لـك تكـذب! تْبَّـعِـد عــن وِصـالـي والمـواصـل خـاتـم ٍ بـايْـــدك أجل ليتـك حَبيبـي مـن بعيـد إن كنـت مـا تَقْـرب ثـلاث أيـام أو حـول أربعـة مـا كـنـت فــي عـيـدك جَلست بمُفردي..بيني وبينـك كنـت أبـي أهـرب أَشبّهـك بصبـاحـي ..مغـربـي ياصـعـب تحـديـدك مادامك شَمس تَطلع في سمَايَه ما لهـا مَغْـرِب! قـم اسـأل باقِـي الأحـلام عَـنّـي يمـكـن تْفِـيـدكنَ عَمْ قلـت الـك يمكن!..كـان مـا فَادَتْـك لا تَغضَـب! خَطَـاك إن العَتـب صَعـب ٍ علـيـك وقَــادر يْكِـيـدك صدَق مِن قَال : خِلـك يَجْهلك..لـو مَـا قـدَر يَعْتـب أحبـك مـن شتـاي الـلـي تَـرَمّـد فــي مواقِـيـدك وعُمْـر ٍ ولّـعَـت كَــفْ الليَـالـي نَــار بِه..واشـتَـب ! وَ لا أقـول الرِّضَـا قـمّـة عَـذَابـك قَـبْـل مــا ارِيْــدك أقـول إن الرِّضَـا نَـهْـر ٍ لــك بقلـبـي عَـجَـز يَنْـضَـب عَــذَاب ٍ مِـنـك مــا قـصّـر غَــلاك إلا بـــدا يْـزِيــدك بعيـن ٍ قصّـرَت فـي شــوف غيْرك..فِـيـك تِتْـعَـذّب هَـلا بأشـهـى ربـيـع ٍ مِــن غصـونـك لا عَناقِـيـدك تْقول ان الغصون مِـن الخَجَـل عنقودهـا مُعشِـب! لعـمْـري مـانــي بْـوحــدي بنِـيـرانـك بتسـهِـيـدك ولكـنّـي قــدرت أغـسـل عيـونـكْ كلـهـا بـالـحُـب هـلابـك مَسْهَلـيـن الأرض أرضك..(اعتـبـر بْـيْــدك حَنَايَـاي النحيلـة) يــا نَحِـيـل الخـصْـر يــا مُـرعِـب كأنـك لا رجعْـت أو مَـا رجعْـت بصـمـت أغَـارِيـدك: قميص ٍ في جفن يَعقوب ردّ الشـوف بـإذن الـرب سكوتـك عـن سكوتـك مـا يْشابـه دون أنَاشِيـدك سوى موت ٍ تَعلّق في فَمك..وشلون لو تسهب؟ أقــدّم عــذر عــن عــذري كـذيّـا مـانـي بـمـيـدك! وأثر مِن يعتذِر من نفسه لنفسه حقيقـة : صَـبْ! وأنـا شِعـري قصيْـد ٍ مِـن قصيْـد ٍ شِعـره يْعِيْـدك: لقندِيـلـه، لـنـوره، للخَـطَـا، لـلـذَنْـب، للـمُـذْنِـب ! إذا هــاذي قصـيـدة فالـفَـضـل يَـرجــع لتنـهِـيـدك أنـا مِـن عَـام أبـي أسمـع تَنَاهِيدك..أبـ ي أكـتـب! مماراق لي