|
اشاعة وفاةمحمد السهلي ؟؟؟؟ السلام عليكم ورحمة الله وبركاته اشاعه قويه جدا انتشرت هذا االيوم الخميس وكانت تقول الاشاعه ( وفاة الصحفي محمد السهلي ,طول الله عمرك ياخال ويفداك من راعك) ولاادري وش يستفيد هالشخص الي سبب هالاشاعه ولكن مااقول الا الله يكفينا شر من به شر , عموما ابوهلا بخير وسلامه طبعا الخبر وصل جوال منطقة الرياض وجريدة الرياض هذا اليوم وباقي السالفه يقولها لكم ابوهلا ,ههههههه الله اللهم احفضنا واحرسنا بعينك التي لاتنام . امين |
رد: اشاعة وفاةمحمد السهلي ؟؟؟؟ الله يكفينا الشر توني ادري عن الاشاعه صراحه .. الله يطول بعمره ويحفظه |
رد: اشاعة وفاةمحمد السهلي ؟؟؟؟ جعل ابو عبد الله مايشوف شر وهذه ظريبة الشهرة لازم اشاعات ’’’’’’’’’’ |
رد: اشاعة وفاةمحمد السهلي ؟؟؟؟ يؤيؤيؤيؤيؤيؤ وش هالاشاعة مزحة ثقيلة ربي لايوفق من طلعها وربي يطول بعمر ابو هلا |
رد: اشاعة وفاةمحمد السهلي ؟؟؟؟ اقتباس:
تسلم وأنا خالك وطولة عمر ان شاء الله والاشاعة لاتفكرون انها اشاعة المستشفيات كان تهون هههههههههه يوم الخميس اجازتي الاسبوعية يوم واحد فقط اقضيه في البيت بكامله من الصباح حتى يوم الجمعة مالم يكن هناك طلعة شبابية للبر مع ابو نواف وابوفيصل وابو طارق وابو بشاير وبعد الظهر طلبوا الجريدة حضوري ورحت لهم لقيت رئيس التحرير الاستاذ تركي السديري في انتظاري قال الحمد لله على سلامتك أقرأ هالرسالة جايه على جوالي (وفاة محمد السهلي الصحفي بجريدة الرياض فجر اليوم ) !! أخذت الرقم جوال زين ومقفل ------ نسيت الموضوع وطلعت للبيت ووقت المغرب محمد بن علي الدحملي ولد اختي يتصل علي وانا في الصلاة ويوم طلعت لقيت له كم اتصال توقعت صاير لابوي الله يطول في عمره شيء . كلمته وهو مرتبك خير ان شاء الله مانتب على بعضك فيكم والا في ابوي شيء؟ قال الحمد لله على السلامة جاني قبل شوي مراسل جوال منطقة الرياض في الرويضة سيف بن خنين ينشد عنك يقول رئيس تحرير جوال المناطق اتصل بي كم مرة يسألني عن خالك ويقول جواله مغلق وانا ابغاه ضروري واخيرا قال تأكد لي من هالخبر وقراه علي وقلت له بروح لعيال اخته وانشدهم عنه لان جواله مغلق . قلت وانا خالك مافيني الا العافية وشوي يتصل مراسل جوال الرياض ويتصل محمد الشقاء رئيس جوال المناطق وكلهم يقولون جوالك اليوم مغلق وانا مااعرف اقفل الجوال دايم شغال بس امس الشبكة تعبانه . هذا كل مافي الامر والحمد لله على كل حال وهنا اقول ما قاله الدكتور عايض القرني في احدى روائعه (كن كالنخلة عالية الهمة بعيدة عن الأذى اذا رميت بالحجارة ألقت رطبها ___ وأطفيء نار الحقد من صدرك بعفو عام عن كل من أساء لك من الناس ) وسلامتكم من كل مكروه والا الموت حق وكل نفس تذوقه |
رد: اشاعة وفاةمحمد السهلي ؟؟؟؟ اقتباس:
تسلم والله يكفينا ويكفي كل مسلم الشر وما حوى |
رد: اشاعة وفاةمحمد السهلي ؟؟؟؟ اقتباس:
الله يرحمنا برحمته اي شهرة ربي يسلمك من كل شر |
رد: اشاعة وفاةمحمد السهلي ؟؟؟؟ اقتباس:
= سمو الاحساس = على ثقل مزحي ومقالبي والمقالب اللي تسوىّ فيني مابعد سويت مثل هالاشاعة سامحه الله |
رد: اشاعة وفاةمحمد السهلي ؟؟؟؟ ههههههههههههههه ههههه ابو هلا اسكح لي يالخبر يضحك لانه ابدا ما هي اشاعة هذا طال عمرك على الطاعة فلم وله مخرج يجيد الاخراج ههههه وكلمة الدكتور عائض خير رد منور ابو هلا |
رد: اشاعة وفاةمحمد السهلي ؟؟؟؟ ما تشفوووف شر ان شاء الله تعالى .. والله يسامح من قام بهذا العمل المخجل .. ربي يعطيك الف صحه وعافيه يا رب اخوووك خالد عبدالله |
رد: اشاعة وفاةمحمد السهلي ؟؟؟؟ من ذا اللي ما يخاف الله ناس مرضى |
رد: اشاعة وفاةمحمد السهلي ؟؟؟؟ لاحول ولاقوة الابالله حسبنا الله على من طلعه مالقا الا الموت عاد دور غيره ماتشوف شر ابو هلا |
رد: اشاعة وفاةمحمد السهلي ؟؟؟؟ الله يطول في عمرك ابو عبدالله وش الفائده من الاشاعه الله يهديهم مشاكلك كثرت ابو عبدالله وش السالفه اثرك شيطان خخخخخخخخخخخخ |
رد: اشاعة وفاةمحمد السهلي ؟؟؟؟ ياساتر وش الاخبار المزعجه والمفجعه ناس ماتخاف الله ماذا لو شافها احد اقاربه وصار له شي الله يهديه بس اذكر قبل فتره واحد عديم الدين والمروه ارسل لنا علي الجولات خبر وفاة عمي ابو ناصر وموعد الصلاة عليه وعدد اولاده المهم الرجال مظبط الخبر طبعا افجعنا واتصلنا وتاكدنا من الخبر ولكن احدالشباب في الرياض جاه الخبر واغمي عليه واستاذن من العمل من اجل الصلاة علي عمه وبعد ثلاث ساعات تقريبا قبل خروجه من الرياض وصله ان الخبر اشاعه طبعا هالخبرمن شخص غير معروف بطاقه سوا غير معروفه وقفل الرقم ....اطال الله في عمر اخونا ابو هلا علي الطاعه وحسبنا الله ونعم الوكيل بمن اراد المضره لأخوه المسلم . ودمتم بخير |
رد: اشاعة وفاةمحمد السهلي ؟؟؟؟ حسبنا الله ونعم الوكيل على مروجي الاشاعات والله يطول في عمر ابو هلا |
| الساعة الآن 09:24 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..