لحظه يا مهملني وناوي في غيابك

بس لحظه يا مهملني وناوي في غيابك

دامك اللي ناوي الفرقا بقول اللي بقوله

انت يعني لانويت تغيب بوقف عند بابك

لا وربي تاقف الدنيا وانا تابى رجوله

ما تعودت اتبع المقفي ولو حضرت جنابك

رح عساها خيره والدرب لك عرضه وطوله

روح لا جابك مجيب الغيم واتركلي صوابك

جيت حلم ورحت حلم تشبه احلام الطفوله

منت باول من طعن هالقلب والدرب انتهابك

يا ثقل خطواتك البارح وهالليله عجوله

باغي الفرقا جعل ربي يعجل في ذهابك

بايعن قلب لك الله كنت ما تحلم تطوله

من يلومك شايفن حالك وفي بدايه شبابك

طاغي تجرح قلوب الناس تحسبها بطوله

بسالك كم واحدن قبلي هقابك واشتقابك

انت ياللي نظرت عيونك قبل عرفك خجوله

يا كثر ما كانت ظنوني دخيل الله تهابك

بس اجذبها واقول اوهام والقلب وميوله

واثرك اللي تستلذ ان ذاقوا الناس عذابك

مشكله والمشكله هذي بسيطه ومحلوله

جان مالبستك الغيره مثل لبس ثيابك

قل عوافي قل مثل غيره تركته وبسهوله

واجد اللي مشتهين الوصل والخط متشابك

جان لك جوله تري محاجيك له تسعين جوله

لا بغيت تغيب فارق لا وربي ما درابك

شاعر يا كثر ماتل القلوب وصفقوا له

لا هلابك في حضورك في غيابك لا هلابك

رح ماهف مقيط يوم مقيط ودنه رجوله

باجر ان ما شفت غيرك جاي يعوضني غيابك

قل حكي شعار ما تفعل ربع الي تقوله



رائعه للشاعر حمد السعيد

صح اللسان الشاعر حمد

وسلمت يمين ناقلها

	باغي الفرقا جعل ربي يعجل في ذهابك بايعن قلب لك الله كنت ما تحلم تطوله من يلومك شايفن حالك وفي بدايه شبابك طاغي تجرح قلوب الناس تحسبها بطوله بسالك كم واحدن قبلي هقابك واشتقابك انت ياللي نظرت عيونك قبل عرفك خجوله

ابياااات مجنونة

لاهنتي السنيورة
,
,
,
,

رووووووووعه الأبيات

إختيار فوق الرائع ياغالية

يدل على ذائقتك الشعرية الجميلة

دمتي بتميز ياالغلا

ابيااات رائعـــــــــــ ــــه

..

صح لسان الشاعر
وسلمت يمينك

انتقاء مميز لشاعر مبدع

دمتي بخ ير