مجالس الرويضة لكل العرب

والله إنـه مـا تغيـر غـلاك ولا تـبـدل
عايش(ن)في مسكنك انـت الاول والاخيـر

عاد وشلون انت تسأل أمنت الحـب الاول
مار بي لا يلحقك شـك يالعـذب الحريـر

ياحبيب الورد ياجوري الـورد إن تجمـل
يا اريج الورد يا أحلى مـن الـورد بكثيـر

رحت غالي ياوداع(ن)على روحـي تنـزل
يشهد الله كـن يومـه عبوس(ن)قمطريـر

وجيت غالي إنزل القلب في عرشه مبجـل
من فداك وكل عام(ن) وأنا جرحـي بخيـر

ما نسيت الود والولـف والطفـل المدلـل
ما نسيت إطلالة الصبح في جـال الغديـر

والله إني كل ما جيت أنا اسأل عنك أنا أسأل
كل صبح(ن)مشرق(ن)مث ل ما وجهك منيـر

في غيابك أسأل القلب عن شي(ن) تحمـل
صار قلبي مثل ما لعبة(ن) في يـد صغيـر

وجيت تسأل عن مكان(ن)تخبره عـام الأول
أ نت الأول مار ماصار ولا يمكـن يصيـر