صباح يوم السبت مع وقت الاذان=اسوء خبر عمّ العرب والجزيره
وفاة شيخ العُرب والجود سلطان=ابو اليتاما و اليدين الفقيره
مرحوم ياسلطان يا بنك الاحسان=ياقايداجيوش الدفاع اووزيره
مواقفه تبقى على طول الأزمان=حتى مع كل الدول له مسيره
سلطان ابوخالد وللضيق مزبان=حلاّل صعبات الأمور الخطيره
كم اعتق رقابٍ من السيف شامان=وهوّن امورٍ كايداتٍ كثيره
جمايله يرجح بها كل ميزان=ومافيه دار الا تهنّت بخيره
وان زاد حمل الشعب شاله بليهان=بكفٍ على الطولات ماهي قصيره
خويه معزز وله قدرٍ وشان=ولايشكي اصدوف الزمان المغيره
ساعة وفاته هلّت ادموع الأعيان=وكلً على سلطان عينه سهيره
لوان دمع العين بيرد سلطان=حرام نذرفله دموعً غزيره
يا خادم البيتين يادرع الاوطان=جتك التعازي والمصيبه كبيره
وعزاي للنّايف مع اخوه سلمان=هم ذخرنا وقت السنين العسيره
يالله يا عالم خفا كل ماكان=تجبر عزانا في الفقيد و تجيره
في يوم لا ينفع قرايب ولا اخوان=تجعل جنانك يالولي من مصيره

المشاركة الأصلية كتبت بواسطة عشق الهواوي (المشاركة 802943) صح لسانك لاهنت قصيده كفو من شاعر كفو لاهنت وتقبل مروري

المشاركة الأصلية كتبت بواسطة بنت كول (المشاركة 803165) صح لسآنك شآعرنآ آلله يرحممم آلآمير سلطآن ,, : (

المشاركة الأصلية كتبت بواسطة فراشه (المشاركة 803169) حيـــــــــآك الله اخوي ناصر وعاش من شافك نورت المنتدى واتحفتنا بهذه القصيده الرائعه رغم حزننا على سلطان عسى الله يرحمه ويجعل مثواه جنة الخلد الا انك ابدعت ابدعت صح لسانك واعتلا شانك وفي انتظار المزيد ..! تقييمي ..!