مجالس الرويضة لكل العرب - ( قصيدة الدرم بصوته في الامير نايف)

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

( قصيدة الدرم بصوته في الامير نايف)

السلام عليكم ورحمة الله وبركاته

قصيده بصوت والدي رحمه الله

في صاحب السمو الملكي الامير نايف ولي العهد عندما كان وزيراً لداخليه

اول مره تطرح قصيده بصوته في المواقع وهي حصريه لمنتدى الرويضه

ياسلامي على اللي كل كايد ومتعقد يحله
............... ....... صاحب الراي كله والمعرفه والافكار القويه

نايف اللي على درب العداله ومره الله ودله
............... ...... مثل مادل ابوه ودل نسله على سنة نبيه

ابن عبدالعزيز اللي عسى الجنه الخضرا محله
............... ....... طيب الله ثراه وغمده رحمته رب البريه

عز الاسلام بالهمه وضرب السيوف وعزه الله
............... ....... ثبته بالقواعد عن هل الشرك واهل الجاهليه

ياولد من تخاضع له ملوك البشر حب ومذله
............... ........ هيبته عمت العالم وكل الديار الاجنبيه

ياذرى الشعب عن لفح السمايم وياغيثه وضله
............... .......ياملاذ الضعيف ومزبنه ياوزير الداخليه

ياخيال على كل العروبه مزونه مستهله
............... ..... صافي الوبل يبعث كل خد محل وقت سنيه

لك مشاريع كثر الرمل ما عاد تاخذها المجله
............... ..... يشهدون الحجيج وكل اذاعه ودوله عالميه

آه ياونتي ونة غريب معه تسعين عله
............... .... يشكي القلب وحبال الظهر والكلى والباطنيه

لا نهض طاح من قل الجهد والقوايم ماتشله
............... .. مامعه لا نقود ولا رفاقه ولا ربع دنيه

آه ياحالي اللي واجد الهم والساموح سله
............... ........ مابقى الا العظام اللي براها الدهر هزله معيه

من صواديف بقعا كن قلبي على لاهوب مله
............... ....... والوسيعه وكل دروبها والسما ضاقت عليه

مير فزعت الحاكم اللي مثل نايف تشيل الهم كله
............... .... ترفع الدرم للمريخ الين يتعدى الجاذبيه

القصيده بصوت والدي الله يرحمه (الدرم) محمد بن سليمان المحسن

اتمنى ان تنال على رضاكم واستحسانكم

اخوكم

حلم السراب
محسن المحسن