|
ابوي وحبه للمغاتير السلام عليكم ورحمه الله وبركاته العنوان غريب لكن انا ابوي الله يطول بعمره لي ويخليه تاج على راسي دايم يوصني بالابل ويقول تراها بتضيع من اهمالكم وكذ1 مره تضيع ونلحق على الوضع مع ان عماله الي فيها 3 بس مافيهم بركه على قولته المهم كتبت هالقصيده وبشوف رده فعله منها وحبيت اشاركم فيها يقوول :. ياوجودي وجد راعي مغاتير فقد ذوده بسبب كثر انشغاله عقله ضحيه لحرب التفاكير ولا احد يحس بالي جراله يوم بيصحى ومايلاقي غير مراح فاضي وكثرة عماله يتداوجون مالهم اي تبرير كود النوم ربطهم بحباله الراعي خبل والحظ فقير وهو تعب يوصي عياله والولد جيد بخبال وتبذير يهمه النادي اكثر من حلاله غزو فكري يهدف لتغير الشاب من منهاجه و مجاله صاح خايف من لوم التقصير خوف من كلمه ماربى عواله وياوجودي وجد مسدد فواتير راح الراتب وماشي صفاله الكهرب يرسل انذار ونذير والتلفون يقول سدد برساله ومعك مهله واحذر التاخير عزيزي العميل تراها سهاله على حبيب له حق التاثير علي وانا ومامعي له وفداله حبي له غلب قصص الاساطير ذايب في حبه الى حد الثماله عسى الله يديمه دوم بخير ولا يحرمني منه ومن سؤاله |
رد: ابوي وحبه للمغاتير صح لسانك اخؤي ؤيعطيك العافيه على الكلمات الجميله |
رد: ابوي وحبه للمغاتير لاهنت على المرور يعطيك العافيه |
رد: ابوي وحبه للمغاتير صح لسانك والحلال في مقام الابناء عند ملاكه ولا يلام والدك من حقه يزعل قصيدة جزلة لا عدمناك |
رد: ابوي وحبه للمغاتير وانا بعد مالوومه خاصه الابل تفتن اهلها لاهنت ابو هلا على المرور ويعطيك العافيه |
| الساعة الآن 07:15 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..