|
ماينقص الرويضة ... ...بسم الله الرحمن الرحيم ... اليوم حبيت اطرح لكم موضوع في غاية الاهميه ألا وهو نقص الرويضه عن بعض المحلات المهمة مره. ولكن لو كان فيه غير ماذكرته أرجو ذكره :...السلام عليكم ورحمة الله وبركاته... ...نبارك لجميع الفايزين في انتخابات المجلس البلدي... ؛؛؛ ؛؛ ؛ 1)المخبز –لايوجد في الرويضه غير مخبزين للخبز المنفوخ والزحمة عليهم غير متوقعه . 2)أستوديو التصوير –لايوجد في الرويضه سوا أستوديو واحد فقط هذا غير زيادة سعره . 3)محل الأسماك—لايوجد في الرويضه غير محل واحد لبيع الأسماك هذا وغير النظافة المعدومة في المحل وزيادة السعر. 4)المسالخ والمطابخ—الرويض ة بحاجة لزيادة هذه المسالخ . 5)محلات كبيرة مثل الوحر والزنيتان مافيه إلا ها لاثنين وزحمه مره وخاصة رمضان والأعياد والخميس . 6)أماكن للترفيه ونوادي صحية معدومة من الرويضه بالمرة.الشبا ب 24 ساعة بهالددسن يدور في الشارع العام كأنه مرور. وسامحوني ولكن هذا من حبي لديرتي وهذا من جهة نظري تقبلو هالموضوع وارجو التفاعل معه... مع أجمل تحياتي/ أبو علي. |
رد: ماينقص الرويضة ... يسلمـوو ابو علي ! والله كلامككك صح على صح !! مشكووور ويعطيك العافيه ! مووضوع جميل ويستاهل النقاش ! |
رد: ماينقص الرويضة ... ابو علي بيض الله وجهك يالغالي وهذا غير مستغرب عليك بس الاشياء اللي ذكرتها المفروض رجال الاعمال هم اللي يقومن بها ويفتحونها واذا تعذر وجود رجال الاعمال تقوم البلدية بنشاء هذي المحلات واستثمارها |
رد: ماينقص الرويضة ... ابو علي المشكله في الاسواق الغذاىيه والله زحمه الوحر والزنيتان ! ماعندنا الاهي !! بعدين افرضو تهاوشت انا ومحاسب الوحر ! يعني معادنيب داخل الوحر عشان خشته ! هههههه نبي اسواق فلله مثل بنده او العثيم ! وبعدين الشباب العصؤيه تشوفهم متكين على الارصفه او يلعبون كوره ! من حقهم يطفشون مايدرون وين يرحون نبي مدينه العاب كبيره ومحلات تمرين وتدريب باالعربي نبي نضيع الوقت نبي مطاعم فللله احسن مطعم عندنا البررراك وبعد برا الرويضه داخل الرويضه كلها مطاعم بنقاليه ^ استغفر الله ^ مالنا الا بيت البروست بس وربي طفشنا ههههههههه! اتمنى التعليق على كلامي ! |
رد: ماينقص الرويضة ... مشكور اخوي سمو على الرد الرائع لاكن (لاحياة لمن تنادي ) |
رد: ماينقص الرويضة ... مشكور اخوي خلودي شكلك ماعاد الا بنتفجر انشالله بس 10 سنين واصير صاحب اعمال ابد ومالكم هم اجيبلك العثيم وبنده وكارفور والي تبي بس 10 سنين يالله ماعاد اعطيكم وجه هههههههه اصبرو بس |
رد: ماينقص الرويضة ... ابو علي بارك الله فيك انشالله تتحقق مطالبك وجميع مطالبات جميع الاعضاء بالجهد وليس بالكلام بعض المطالب الي ذكرت من يقوم بها رجال الاعمال وباقي المتطلبات تحتاج لمراجعة الدوائر ولن تتحقق اذا ما تكاتف جميع شباب الرويضة في المطالبة المستميتة لها ياشباب نحمد الله ان شباب الرويضة فيهم الخير وعندهم الغيره على رويضة الاجداد . ممكن يكون هناك اجتماع بحضرة رئيس المركز بعد خروجة بالسلامة وتتوزع ادوار المطالبات بين الشباب المتحمسين للمطالبة فمثلا لو كل مجموعة من خمس اشخاص تكفلو بجميع متطلبات الرويضة من وزارة معينة مثلا وزارة الصحة والخمسة الاخرين يتكفلون بجميع متطلبات وزارة المياه والمجموعة الثالثة وزرة التربية والتعليم والرابعة الشئون البلدية والقروية والخامسة وزارة الداخلية والمجموعة السادسة للخدمات لجميع باقي الخدمات ان مستعد الذهاب مع كل مجموعة لكثر من مرة لحد ما يعرفون جميع دهاليز الوزارة المسؤلين عنها |
رد: ماينقص الرويضة ... بارك الله فيك في عدد من الشباب يردون الاستثمار في انشاء مركز ترفية بشرط توفير ارض من البلدية في مكان مميزة -- |
رد: ماينقص الرويضة ... مشكور اخوي محمد وهذا متاملناه منك وحنا معك جميع انشالله |
رد: ماينقص الرويضة ... بارك الله فيك ابو علي كلامك في متمه |
رد: ماينقص الرويضة ... مشكور اخوي م/ عبد الله على الرد وانشالله ماتقصر البلديه معهم |
رد: ماينقص الرويضة ... مشكور اخوي غالي ولولا ردودكم الرائعه كان الموضوع بلا فايدة |
رد: ماينقص الرويضة ... م/ عبدالله بصراحه انا من يهمه بناء بلكه واحده في الرويضة اصحاب المال يقولون ريال مع ريال يساوي مليارات انا اقول بلكة مع بلكه تساوي مباني وكل مبنى يبنى يعني تطوير وعز لبلدنا م/ عبدالله توكل على الله وربك بيسهل وذا تبي نروح انا وياك البلدية انت ومن معك من الشباب لترى المواقع الاستثمارية بس اعتقد لها نظام تسوي دراسه عن الموقع وتقدمها للبلدية وهي ترفعها للوزارة وتطرح مناقصه بالاعلان وصاحب الدراسه اولى من غيره اذا وقفة على سعر ابو علي بارك الله فيك موضوع رائع وهذي عوايدك |
رد: ماينقص الرويضة ... مشكوووووووووووو وووووووور على الموضوع الجميل |
رد: ماينقص الرويضة ... وبارك الله فيك ايضاء صلوحي ولاهنت على الرد |
| الساعة الآن 03:39 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..