معزوفه فرآق عشق الهواوي بأربعه عشره كان الحلم موعود برصاصه رحمه قتلت آخر آمالي لاعاد ينفعني سعد ولا مسعود مادام شوقي تركني بحزن لحالي ادور الاسباب ولانيب محدود ابي عذر اجاوب سؤال عذالي وين عشقك ياهواوي المنشود وين حبك الي كان بالحيل غالي تغصني العبره ويفرح الحسود ويفرح كل من كان ينشد زوالي الوقت قاسي والحظ حيل مقرود والمعشوق راح وتركني لسؤالي زرعت له بقلبي بساتين وورود وزرع بقلبي من الهموم جبالي الناس حولي يحسبوني بزود وانا ما بداخلي للفرح اي مجالي غديت انا والليل طارد ومطرود اطارد حلمي وارسخه وسط بالي واهرب من حزن لطريق مسدود ويختارني وانا ابيه يختار بدالي قلب الهواوي غنى بالوتر والعود معزوفه تسبب للمشاعر زلزالي معزوفه فرآق وحزن بليا حدود تصور اوضاعي الراهنه واحوالي |
رد: معزوفه فرآق عشق الهواوي اتعلم يا عشق الهواوي ,, جعلت للحزن لونا اخر هنا البست الوجع باحرف جعلتني ابتسم عن مرورها رغم الالم هناك حرف يدع من يمره يبتسم ويستلقي بترف اطواق الياسمين لـ احاسيسك المعبرة من هنا ساعلن كلمة يجب ان تكون تسمية عشق الهواوي مصحوبة بشاعر المجلس وان شاء الله سيتم ذلك بقبول الادارة اختك همس انثى |
رد: معزوفه فرآق عشق الهواوي صح لسانك ياعشق الهواوي دائما مبدع تقبل تحياتي وتقديري |
رد: معزوفه فرآق عشق الهواوي اختي همس يعطيك الف عافيه وشهادتك فخر اعتز فيها ابو بجاد لاهنت يالغالي ومرورك حيل اسعدني |
الساعة الآن 05:35 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..