تبخـــر وأحرق ثيابــه ~ ||

شعور بداخلـي يجـزم بـأن الـدار للأغـراب
مادام الأرض تتجاهل .. وطن عاشت به أصحابه

صدوق الوقت لكنه رغم هـذا الصـدق كـذاب
بعد كـل الثقـة رحنـا ضحيـة نـاس كذابـه

لنا جرحٍ سطى فينا على مـر الزمـن ماطـاب
وتبقى علتـه فينـا .. عشمنـا نعـرف أسبابـه

سألت الواقع بلهفه عن اللـي بـه أملنـا صـاب
وقال العلم صاحبكم .. تبخـر وأحـرق ثيابـه!!

صرخت وقلت وين اللي يقدر وقفـة الأصحـاب
وقال أرجوك جاوبني .. من اللي خوّن أصحابه!!

ياوقت أصحابنا جملة مفيدة ترفـض الإعـراب
وجيـه حروفهـا تُقـرا ولكـن مالهـا كتابـه!؟

كفانا جدال عالفاضي .. بلاش أفتح عليك أبواب
بلاش نتوه فـي عالـم بهـا الأشكـال تتشابـه

أنا من وين ابلقاها .. وأنـت الصـادق الكـذاب
وهذي الارض تتجاهل وطن عاشت به أصحابـه

للشاعر/عبدالعزيز العطوي