صاحب بين كل الخلق ما أرضا بداله
لو يجوني جميع الناس قاصي وداني


العشير العطوف اللي سحرني دلاله
في غلاته تفوق عن جميع الغواني


أعطه أخر علومي واسأله كيف حاله
واكتم السر لا يدري به إنسان ثاني


قله البعد حده والزمن ما صفاله
واخبره عن وصولي وش هو اللي حداني


كان خلي مع دنياه سالي وداله
فاشهد إني عقب فرقاه همي دهاني


قله إنه بوسط القلب باقي لحاله
ما تغير غلاته لو يطول ا لزماني


ودي إنك عن الهجران تكفا تساله
مر له مدة والعلم ما عاد جاني


كان من ينقل النمات عني حكاله
والله إنه ببهتان الظليمة رماني


ثم قله وش اللي من طرفنا جراله
واسأله وين ذاك الود وين ا لحناني


إن تنكر عن المضمون واخفى مقاله
فعلم إنه تندم واختبط في البياني


ون تفاعل وقدم حجته واعتزاله
فعتبر عشرته هانت وقلبه نسا ني


أدري إن الجفاء ما كان يطري بباله
فيه ناس لهم فالصد دور وشاني


غيروا غالي كان الوفاء رأس ماله
واختلف عن مسيره صاحبي في ثواني