مجالس الرويضة لكل العرب

انا وشلون ابسلا وتسـلا وانبسـط وارتـاح
وانا قلبي مولع في غـلا كاملـة الاوصافـي.

مولع في غلا من يقتل العاشق بـدون سـلاح
بدون سلاح صوبني برمحـه بيـن الاكتافـي

عليّ اطلق سهومه لين خلاني كسيـر جنـاح
كسير جناح من سهم العيون وسمها الخافـي

غلا راع العيون الدعج ابو نهدٍ كمـا التفـاح
وابو طرف حور ورموش سودٍ والهدب ظافي

رموش عكش غاطيهاالهدب والخد كالمصبـاح
كما المصباح خده والشفايـف حمروارهافـي

رهاف وحمر لون التوت لاتمسـح ولاتنـزاح
طبيعة خلق من خلاق خلقـه مثـل ماشافـي.

عنودٍ عنقها عنق الوضاحي وان هرج مـزاح
كلامه ماتقول الاعسل صافـي علـى صافـي

تقول انه يلاح الورق لاجر اللحـن ثـم نـاح
كلامه همس مثل اللمس يشفي والله الشافـي

سكن حبه بقلبي واصبح اثقل من حصاة ارزاح
ولايمكن غـلاه ايغيّـره صاحـب ولا جافـي

ابا ابني له قصر ما حط اله بـابٍ ولامفتـاح
يعيش العمر كله فـي نعيـم وعـز وأريافـي

مايلقا له طريق منه يخرج لوبغـى المـرواح
ولا اسمح له دقيقه وحـده مـا دام متعافـي.