مجالس الرويضة لكل العرب

مجالس الرويضة لكل العرب (http://www.rwwwr.com/vb/httb:www.rwwwr.com.php)

- نشيد الروح (http://www.rwwwr.com/vb/f37.html)

- - حالة مشتاق .. (http://www.rwwwr.com/vb/t53183.html)

حالة مشتاق ..

كم مشتاق ليله ضايع بين الافكار
وكلمة لو وياليت دايم في سؤاله

يتحسرعلى مامضى وكل ماصار
تعبان من الوقت الغادر واهواله

يتمنى ويتخيل ويبدل بين الادوار
لجل يغيربعض من الواقع وحاله

ويبني حول حلمه خنادق واسوار
لجل يسد ثغرات العاذل ومجاله

طيف الغالي يبدل الظلمه بالانوار
ويشيل طعم الحزن ويسكن بداله

ولو طال حلمه لابد ينهزم وينهار
ويصحى على واقع مبدل احواله

ويصبح مجروح وعقله محتار
بسبب حلمه الضايع وماجراله

ويكتم بقلبه جروح الحقت اضرار
خوف من الوقت الكئيب وجهاله

سلم أمره لرب(ن) مصرف الاقدار
رب الكون سبحانه تعالى بجلاله

وصار الليل يكتم بظلامه الاسرار
والدمع لغه بين المشتاق وخياله

رد: حالة مشتاق ..

سلم أمره لرب(ن) مصرف الاقدار
رب الكون سبحانه تعالى بجلاله

وصار الليل يكتم بظلامه الاسرار
والدمع لغه بين المشتاق وخياله

صح لســـــانك ياعشــق الهــــواوي
قصيــــده راااائــــعه بكل المعنى
وصف وتصويـــر ونهاية مميـــــزه
اقتبست ابيات النهايه دلاله على جمالية القصيده
دمت مميــــــــز ومبــــــــــدع ..
تقبل حظـــــوري وردي ..

رد: حالة مشتاق ..

صح لسانك يالذيب

أبيات وصفية نسجت من خيوط شمس المشتاق

أبدعت في بلورت كلماتك وجعلت نسقها كهالة بدر مكتمل _ تقبل شكري ومروري

رد: حالة مشتاق ..

الوليدي لاهنت يالغالي
ويعطيك الف عافيه على التوضيح الي سبق الرد وعلى الرد الوافي

من عضو وافي

لاهنت ودمت باحسن حال

رد: حالة مشتاق ..

كبوة مشاعر

يعطيك الف عافيه على الرد الرائع والمشجع من قلم كقلمك
لاهنتي ودمتي باحسن حال