حتى التعب مني تِعب يوم احاولْكـ !

ياللي على مغليك قلبك مقسّيك=تذكر ليامنّي زعلت ايش اقول اِلْكـ؟
كنت احلف اني لازعِلَك ثم اراضيك =واحلف برب البيت ماعاد ازعلْكـ
قصدي تميّز.... بين هذي ....وهذيك=وتجمد من اللي صار وارجع واسيلْكـ
هذا من اول/ يوم قدرك معَلِيك= في عين من هو في المحبه تحملْكـ
واليوم/ قدرك طاح من عين مغليك =ماعاد باقي حِمل بي لجل اجاملْكـ
لني تعبت.. اصرخ بصوت(ن) يناديك=ويرجع صدى صوتي يأكد تجاهلْكـ
ولني تعبت ..القى عذر في تماديك =حتى التعب مني تِعب يوم احاولْكـ !
ماتدري ..ان الثقل دربه يوديك=يَم الفراق اللي همومه تغربلْكـ؟
من جنس فعلك في خفوقي /بجازيك=وبقيود صدي والمفارق.. بكبِلْكـ
يمكن مع الايام.. قلبك يصحيك=وتعرف /وش اللي صابني من تساهلْكـ
وتعرف/ باني كثر ماكنت ادارايك=/كنت آتِجلّد قدم عينك وانا هَلْكـ!
والياصحيت/ وصرت تفرك اياديك =لاتعتذر لي/ روح ماني محلِلْكـ
روّح عسى ماصابني منك/ ياتيك=ياتيك/ من غيري/ وعيني تأملْكـ

	المشاركة الأصلية كتبت بواسطة عشق الهواوي

	والياصحيت/ وصـرت تفـرك اياديـك لاتعتـذر لـي/ روح مانـي محلِلْـك اختيار رايق لاهنت يالغالي تصوير بليغ بهالبيت لاهنت وتقبل مروري

	المشاركة الأصلية كتبت بواسطة الشاعر ناصر الدوسري

	صح السان شاعرها ولله دره ولاهنت على الانتقاء العذب تقبل تحياتي