مجالس الرويضة لكل العرب - طلبتك لاتخليني

يانـور عينـي طلبتـك لا تخليـنـي
من دونك الوقت مايسوى ولا حاجـة

انت الذي بك يزين الوقـت وسنينـي
وغيرك من الناس لا مانيب محتاجـه

اصبحت كلـي وبعضـي والعناوينـي
واسكنتك القلب واحكمتـه بمزلاجـه

أفـداك بالعمـر وأدري مـا يكفينـي
يادرة الزيـن ويـا فيـروزه وعاجـه

كل الحروف بعيوني اصبحـت سينـي
واسمك تعلت ما بين النـاس ابراجـه

يا راعي الزين الا يا كامـل الزينـي
عقبك تـرا مابقـى للغيـد بهراجـه

لا غبت كني وحيد اشكي من البينـي
ولا جيت فرحي وسعدي اطلق حجاجه

انت الـذي دوم تذبحنـي وتحيينـي
والجرح جرحك ياراعي الجرح وعلاجه

عود حبيبـي تـرا جرحـك معنينـي
وانور حياتي يانور العمـر وسراجـه

داخـل علـى الله طلبتـك لا تخلينـي
من دونك الحب مايسـوى ولا حاجـه

منقوووووووووووو ووووووووووول