معلم بالحصاهـ يبحث عن سكن بالرويضه

السلام عليكم ورحمة الله وبركاته
نخيتكم ياأهل الرويضه الكرام
أنا معلم بقطاع الحصاه وأبحث عن سكن عائلي بالرويضه
تكفون دلوني ع المكاتب العقاريه
كم أسعار السكن عندكم؟
هل يوجد وحده صحية للبنات بالرويضه أم لا؟
كم المسافه بين الرويضه والحصاه؟
تحياتي

وعليكم السلام ورحمة الله وبركاته

يا مرحبا فيك اخوي

لا تشيل هم ابدا بإذن الله امورك متيسرة وعلى كيفك تبي سكن بالحصاة وهو الافضل لك لان المسافة بعيدة وتقريبا الاغلب من المعلمين في قطاع الحصاة يسكنون بالحصاة

واذا تبي بالرويضة ابشر بس لازم تتشرط تبي مفروشة ولا شقة وتفرشها ولا تبي دور يعني تشرط علينا واحنا ندلك

بالنسبي لي خلفيتي بالحصاة بسيطة لاكن يوجد معلم له كم سنة بالحصاه ويخدم باللي نقدر عليه

اما عن وحده صحية للبنات فلا يوجد لاكن هناك بالرويضة مستوصف وايضا مستشفى عام

اتمنى افدتك

أستاذي تربوي
الله يبقيك ويخليك لعين ترتجيك
وفيت وكفيت
الله يعطيك العافيه على الرد الوافي
بالنسبه للسكن بسكن بالرويضه لأن الحصاهـ ماتخاررج في الأستقرار كعائلي
بالنسبه للسكن شقه دور ثاني وقريبه من السكان والخدمات
يعطيك العافيه أستاذي

اخوي من قال لك ان الحصاه ما فيها سكن عائلي او ما ينفع

اعرف لك معلمين استقرو لعدد من السنين

طيب اعطيني اسم المدرسة وبسال اشوف كم تبعد عن الرويضة تقريبا وهل ينفع تداوم من الرويضة

ترى الامر راجع لك لاكن ابي اشوف اللي ينفع لك وفي مصلحتك

وبالنسبة للسكن اذا تقدر تجي هذه الايام خلال اسبوع بكون متواجد بالرويضة وبروح معك اوريك مكاتب العقار وبعض الشقق بس حدد مفروش ولا انت اللي بتفرشها

اما الخدمات اغلبها قريبة لا تشيل هم وان شاء الله بترتاح وتعجبك المنطقة

مدرسة طريف الإبتدائية بقطاع الحصاة
وأنا كنت أمس في الرويضه ولفيتها كلها وممتازه جداً وتفرق كبير عن الحصاه
وبالنسبه للشقه أنا اللي بفرشها
عندي بعض الأوراق بخلصها من أبها هذا الأسبوع وبكون متواجد في الرويضه الأسبوع القادم
وبيض الله وجهك على كل حال