|
الهاجس السلام عليكم ورحمة الله وبركاته من الارشيف وعسا تحوز على رضاكم الـهـاجــس الــــي قــــوّم الـقـلــب بــزعـــاج سيـطـر عـلـي لـيـن الضـمـايـر حـرقـهـا اضهر ابكـارً بلحشـاء جالهـا اخـلاج اصــايــلــن تــســبــق ولاحـــــــدن سـبــقــهــا وقـامــت تـواردنــي عـلــى كــــل مـنـهــاج والـــــيـــــد تــكــتــبــهــ ا وفـــــكــــــر ي ورقـــــهــــــ ا وهـديـتـهـا فــــي ســاحــةً كـلــهــا ازعـــــاج لـنــاسً فـــي ذ الـسـاحـة تـزايــد حـمـقـهـا دايم علـى المنبـر لهـم صـوت ولعـاج وهــــــــاذا يــحــرفــهـــا ولاخـــــــــر ســـرقـــهـــا فيـا ساحـة الشعـار مـن كـان محـتـاج يــظـــهـــر وكــــافــــي مـــنـــكـــم مـالــحــقــهــ ا وستـثـنـي الـــي قـافـهـم طــــب وعــــلااج الــــــي يــمــيــز جــذعــهــا مـــــــن ورقـــهــــا ولاقول انا في الشعر صاطي وهداج لـــكــــن امـــيــــز زيــنــهـــا مـــــــن مـحــقــهــا وتـعــب عـلـيـهـا كـنـهــا ســاحــل الــعــاج مــثــايـــلـــ ن مـــافـــيــــه قـــبـــلــــي طـــرقــــهــــ ا مـحـبــوكــةً مــــــن كــــــل نـــاقــــد وهـــــــراج ونـــحــــمــــ دالله يـــــــــــوم ربـــــــــــي فـــرقــــهــــ ا فبـعـض القـوافـي يمـهـا الـــراس يـنـعـاج وبعـض القوافـي اتمـوت داخــل ورقـهـا |
رد: الهاجس ناصر الدوســــري صح الله لسانك على هذه الابيات الراقيه قلم شعري مميز فكــــــــراً ومعنى ننتظر ان نقف مع الجمال الشعري مرة اخرى من خلال طرح من ابداااعك تقبل مروري .. |
رد: الهاجس فبـعـض القـوافـي يمـهـا الـــراس يـنـعـاج وبعـض القوافـي اتمـوت داخــل ورقـهـا انا اشهد انك صدقت يالذيب بس عندي ملاحظه حسب معرفتي بالابل عندك بيت يقول : اضهر ابكـارً بلحشـاء جالهـا اخـلاج اصــايــلــن تــســبــق ولاحـــــــدن سـبــقــهــا ابكار تقصد فيها بكار الابل صح يعني الناقه الي مابعد لقحة ولا نتجت. اخـلاج وهوصوت الخلوج والخلوج يطلق على الخلفه الي فاقده حوارها وهنا ضبط القاف ولكن غلط في المعنى على حسب ظني وان كنت غلطان صحح لي لاهنت قصيدتك جزله وانت شاعر جزل تقبل مروري وتعليقي يالغالي |
رد: الهاجس حياك الله ولد الشمالي من ناحية ملاحظتك اخلاج اوحنين يطلق على الناقه الي فاقده حوارها مثل ماقلت ويطلق على الناقه المضميه او من تفقد اماهاتها ونا راعي ابل وهاذي تجربه عشتها مع البل ولازلت اعيشها وشوف ان المعنى في البيت واضح ولاهنت على مرورك ياالغالي |
رد: الهاجس يعطيك العافيه على التوضيح اما بالنسبه لنا حنا ومعروف من عهد اجدادنا ان الخلوج هي من تفقد حوراها والناقه الي تحن تحن لافردت من الذود الحاشي او الناقه الي تفرس نقول لصوتها رغاء مشكور لتوضيحك ولاهنت |
| الساعة الآن 05:49 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..