|
قصيده بسبب التلفريك السلام عليكم طبعا هالقصيده ماهي آخر قصايدي بس كنت ناسيها لين شفتها بالملاحظات بجوالي وحبيت اشاركم فيها وانا بالحبله نزلنا بالتلفريك وتغدينا ولما جينا نطلع كان زحمه على العربات المهم جلسنا ننتظر الا فيه رجال كان واقف معنا ومادري هو الاول ولا حنا المهم لما فتحت العربه مسك الباب بيده وعطاني ظهره وجلس ينتظر وحده من بناته تجي ركبوا وانا احترمت عائلته وانتظرت للعربه الجايه وكتبت هالقصيده ياشايب مالومك اليوم لو تعديت على مكاني وانا ومكاني فداك ولوتبي من فوق التلفريك نطيت لجل رضاها ماهوب لجل رضاك من شفت عيونها كاني استخفيت وجلست اطالع عيونها من وراك تضحك لاني عن دوري تخليت وانا قادر على اني اقاوم واتحداك بس من شفتها حسبت اني ماتغديت وشعرت بخفوقي طار يوم ناداك تقول يايبه انا آسفه عليك ابطيت وانا اقول احمد ربك يومه انجاك والله لو ماسحرني حسنها ماخليت دوري عشان واحد مثلك وشرواك قلت بكامل وقمة الادب والايتكيت ياشايب هذا دوري بالله وش جاك مارد علي ومن وقاحته اكتفيت بس اذا لمحتها قلت وش وراك تسكرالباب و ورى اللثمه حسيت بابتسامتها وقلت ياجعلني فداك من مثل عينك والله كل مامريت وشفته بدربي قلت ياويش وداك |
رد: قصيده بسبب التلفريك ولــــد الشمـــالي ابيااااااات رااائعــــه عانقت الجمــــال حساً ووصفـــاً اهنئك على هذا الحس الشعري المميــــز ترابط شعري في وصف الموقف تقبل مروري .. |
رد: قصيده بسبب التلفريك اقتباس:
|
| الساعة الآن 08:56 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..