|
معلم بالحصاهـ يبحث عن سكن بالرويضه السلام عليكم ورحمة الله وبركاته نخيتكم ياأهل الرويضه الكرام أنا معلم بقطاع الحصاه وأبحث عن سكن عائلي بالرويضه تكفون دلوني ع المكاتب العقاريه كم أسعار السكن عندكم؟ هل يوجد وحده صحية للبنات بالرويضه أم لا؟ كم المسافه بين الرويضه والحصاه؟ تحياتي |
رد: معلم بالحصاهـ يبحث عن سكن بالرويضه وعليكم السلام ورحمة الله وبركاته يا مرحبا فيك اخوي لا تشيل هم ابدا بإذن الله امورك متيسرة وعلى كيفك تبي سكن بالحصاة وهو الافضل لك لان المسافة بعيدة وتقريبا الاغلب من المعلمين في قطاع الحصاة يسكنون بالحصاة واذا تبي بالرويضة ابشر بس لازم تتشرط تبي مفروشة ولا شقة وتفرشها ولا تبي دور يعني تشرط علينا واحنا ندلك بالنسبي لي خلفيتي بالحصاة بسيطة لاكن يوجد معلم له كم سنة بالحصاه ويخدم باللي نقدر عليه اما عن وحده صحية للبنات فلا يوجد لاكن هناك بالرويضة مستوصف وايضا مستشفى عام اتمنى افدتك |
رد: معلم بالحصاهـ يبحث عن سكن بالرويضه أستاذي تربوي الله يبقيك ويخليك لعين ترتجيك وفيت وكفيت الله يعطيك العافيه على الرد الوافي بالنسبه للسكن بسكن بالرويضه لأن الحصاهـ ماتخاررج في الأستقرار كعائلي بالنسبه للسكن شقه دور ثاني وقريبه من السكان والخدمات يعطيك العافيه أستاذي |
رد: معلم بالحصاهـ يبحث عن سكن بالرويضه اخوي من قال لك ان الحصاه ما فيها سكن عائلي او ما ينفع اعرف لك معلمين استقرو لعدد من السنين طيب اعطيني اسم المدرسة وبسال اشوف كم تبعد عن الرويضة تقريبا وهل ينفع تداوم من الرويضة ترى الامر راجع لك لاكن ابي اشوف اللي ينفع لك وفي مصلحتك وبالنسبة للسكن اذا تقدر تجي هذه الايام خلال اسبوع بكون متواجد بالرويضة وبروح معك اوريك مكاتب العقار وبعض الشقق بس حدد مفروش ولا انت اللي بتفرشها اما الخدمات اغلبها قريبة لا تشيل هم وان شاء الله بترتاح وتعجبك المنطقة |
رد: معلم بالحصاهـ يبحث عن سكن بالرويضه مدرسة طريف الإبتدائية بقطاع الحصاة وأنا كنت أمس في الرويضه ولفيتها كلها وممتازه جداً وتفرق كبير عن الحصاه وبالنسبه للشقه أنا اللي بفرشها عندي بعض الأوراق بخلصها من أبها هذا الأسبوع وبكون متواجد في الرويضه الأسبوع القادم وبيض الله وجهك على كل حال |
رد: معلم بالحصاهـ يبحث عن سكن بالرويضه اخي توني مكلم معلم قالي الطريق من الرويضة الى كوبري السرداح 27 كلم ثم الى الحصاة 125 كلم ثم مفرق طريف 30 كلم يعني تقريبا اكثر او حول 180 كلم هذه فقط للذهاب للمدرسة والدوام جدا متعب بينما يوجد بالحصاة بيوت طيبة ممكن تستأجرها وتداوم فقط 30 كلم والله يا اخي ما اعرفك لاكن انا لك من الناصحين وطبعا بالنهاية القرار لك علما انه اذا تعرفت على معلمين بالحصاة يمكن يقنعوك بنقل السكن لان المعلمين متأهلين هناك ويوجد دوريات ولقائات بينهم حسب ما سمعت هذا رأيي اماا عن الشقق بالرويضة اذا مصمم تسكن بها ففي حي الدخل المحدود 3 مكاتب عقار ويوجد بها ما تريد من الشقق ان شاء الله اذا جيت قبل اسافر راسلني وابشر بروح معك بنفسي ندور لك شقة اسال الله ان يسهل وييسر امرك اخوك / احمد |
رد: معلم بالحصاهـ يبحث عن سكن بالرويضه أخي أحمد لن أنسى هذا الجميل الذي فعلته سوف استخير واستشير والله يكتب مافيه الخير الله يعطيك العافيه على مجهودك لاهنت يالغالي |
رد: معلم بالحصاهـ يبحث عن سكن بالرويضه ما قصر الاستاذ احمد وفى وكفى الله يحييك في الرويضة |
| الساعة الآن 05:21 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..